ޏ. ފުވައްމުލަކުގައި އަޅާނިމިފައިވާ 200 ހައުސިން ޔުނިޓް އެރަށު ކައުންސިލާއި ހަވާލުކޮށްފިއެވެ.

މި ހައުސިން ޔުނިޓްތަކުގެ ތަޅުދަނޑި ފުވައްމުލަކު ސިޓީ ކައުންސިލާއި ވަހާލުކޮށްދެއްވާފައިވަނީ ހައުސިން މިނިސްޓަރ އާތިފާ ޝަކޫރެވެ.

ފުވައްމުލަކިގައި އަޅާ 1500 ހައުސިން ޔުނިޓްގެ ޕްރޮޖެކްޓަކީ ޗައިނާ ސަރުކާރުގެ އެހީގެ ދަށުން ޗައިނާ މެޝިނަރީ އިންޖިނިއަރިން ކޯޕަރޭޝަން (ސީއެމްއީސީ) އަޅަމުން ގެންދާ ހައުސިން ޔުނިޓްތަކެކެވެ.

ބުރާސްފަތި ދުވަހު ކައުންސިލާއި ހަވާލު ކޮށްފައިވާ 200 ހައުސިން ޔުނިޓަކީ މި 1500 ހައުސިން ޔުނިޓްގެ ތެރެއިން މިހާރު އަޅާ ނިންމާފައިވާ ހައުސިން ޔުނިޓްތަކެވެ.

ފުވައްމުލަކު ސިޓީއަށް މިނިސްޓަރ އާތިފާ ކުރައްވަމުން ގެންދަވާ މި ދަތުރުފުޅުގައި މިނިސްޓަރ ވަނީ އެރަށު ކައުންސިލާއި ބައްދަލު ކުރައްވާ ރަށުގެ ތަރައްގީއަށް ކުރެވެން ހުރި މަސައްކަތްތަކާއި ގުޅޭ ގޮތުން މަޝްވަރާ ކުރައްވާފައެވެ.