ބޮލީވުޑްގެ ތަރި ކްރިތީ ސެނޯން ރާއްޖޭގައި ޗުއްޓީ ހޭދަކުރަން ފަށައިފިއެވެ.
މިދިޔަ ޑިސެމްބަރު މަހު ވެސް އާއިލާއާ އެކު ޗުއްޓީ ހޭދަކުރުމަށް ރާއްޖެ އައިސްފައިވާ ކްރިތީ މި ފަހަރު ޗުއްޓީ ހޭދަކުރަމުންދަނީ ނިޔާމަ ރިސޯޓްގައެވެ.
ކްރިތީ ވަނީ އޭނާގެ ރައްޓެހިންނާ އެކު ރިސޯޓްގައި ނަގާފައިވާ ފޮޓޯތަކާއި ވީޑިއޯތައް އޭނާގެ އިންސްޓަގްރާމްގައި ހިއްސާކޮށްފައެވެ.
ކްރިތީ ދެން އެންމެ އަވަހަށް ފެނިގެންދާނީ އަންނަ މަހު 19 ގައި ރިލީޒް ކުރާ ފިލްމް "އަރުޖުން ޕަޓިއާލާ" އިންނެވެ. ކްރިތީ އެންމެ ފަހުން ފެނިގެން ގޮސްފައި ވަނީ " ކަލަންކް" ގެ ލަވައަކުންނެވެ.
ކްރިތީގެ މިއަހަރު ރިލީޒް ކުރުމަށް ހަމަޖެހިފައިވާ ފިލްމްތަކުގެ ތެރޭގައި "ޕާނީޕަތު" އަދި "ހައުސްފުލް 4" ހިމެނެއެވެ.
