ވަރުން އޭނާގެ ލޯބިވެރިޔާއާ އެކު ބެންކޮކްގައި ޗުއްޓީ ހޭދަކޮށްފި
ދެ ލޯބިވެރިން އެކުގައި މުމްބާއި އެއަރޕޯޓުން ނުކުންނަ މަންޒަރު ވަނީ ފެނިފަ
ވަރުން ދަވަން އާއި އޭނާގެ ލޯބިވެރިޔާ ނަތާޝާ
ބޮލީވުޑްގެ އަރަމުން އަންނަ ތަރި ވަރުން ދަވަން އެންމެ ފަހުން ކުޅުނު ފިލްމް "ބަދްރީނާތުކީ ދުލްހަނިޔާ" އަށް ބޮކްސް އޮފީހުގައި ދަނީ ބޮޑު ކާމިޔާބީއެއް ލިބެމުންނެވެ.
ވަރުން އާއި އާލިޔާ ބަޓް ކުޅެފައިވާ މި ފިލްމް ޕްރޮމޯޓްކުރުމުގެ މަސައްކަތުގައި މި ދެތަރިން ބުރަކޮށް އުޅުމަށް ފަހު އާލިޔާ މިވަގުތު ދަނީ ރައްޓެހިންނާ އެކު އޭނާގެ 24 ވަނަ އުފަން ދުވަސް ފާހަގަކުރަމުންމެވެ. އަދި ވަރުން ވެސް ވަނީ އޭނާގެ ލޯބިވެރިޔާ ނަތާޝާއާ އެކު ޗުއްޓީ ހޭދަކޮށްލުމަށް ބެންކޮކަށް ގޮސްފައެވެ.
މީޑިޔާ ރިޕޯޓުތައް ބުނާ ގޮތުން ޗުއްޓީ ނިންމާލުމަށް ފަހު އައި މަގުމަތީގައި މިދެ ލޯބިވެރިން އެކުގައި މުމްބާއި އެއަރޕޯޓުން ނުކުންނަ މަންޒަރު ވަނީ ފެނިގެން ގޮސްފައެވެ.
ވަރުން އާއި އޭނާގެ ލޯބިވެރިޔާއާ ދެމީހުން އެއްކޮށް ފެންނަލެއް މިދުވަސްވަރު އަންނަނީ ގިނަވަމުންނެވެ. ރިޕޯޓުތައް ބުނާ ގޮތުން މިއަހަރު ތެރޭ ވަރުން އާއި ނަތާޝާގެ ކައިވެނި ކުރެވިގެންދާނެއެވެ. ނަމަވެސް ވަރުން އަދި އެކަން ޔަޤީންކޮށްދީފައެއް ނުވެއެވެ.
