އިންޑިއާ ހެލްތް އެކްސްޕޯ މެދުވެރިކޮށް ޑޮކްޓަރުންނާއި ބައްދަލު ކުރުމުގެ ފުރުސަތު

އިންޑިއާ ހެލްތް އެކްސްޕޯ މެދުވެރިކޮށް އެކި ބަލިތަކަށް ހާއްސަ ޑޮކްޓަރުންނާއި ބައްދަލު ކުރުމުގެ ފުރުސަތު ލިބިގެންދާނެ ކަމަށް އަސަރީ ސަރވިސަސްގެ ފަރާތުން ބުނެފިއެވެ.

މި ހެލްތް އެކްސްޕޯ ދަރުބާރުގޭގައި ފަށާފައިވަނީ ޖޫން މަހުގެ 13 ވަނަ ދުވަހުއެވެ. އަދި އެކްސްޕޯ ކުރިއަށްދާނީ ޖޫން މަހުގެ 15 ވަނަ ދުވަހުގެ ނިޔަލަށް ކުރިއަށްދާއިރު އެކްސްޕޯ އޮތީ ދަރުބާރުގޭގައެވެ.

Advertisement

އަސަރީ ސާރވިސަސްގެ އިވެންޓް ޑިރެކްޓަރ އައިޝަތު މުއީނާ ވިދާޅުވީ އެކްސްޕޯގައި އިންޑިއާގެ ޤާބިލް ހޮސްޕިޓަލްތަކުން ބައިވެރިވެފައިވާ ކަމަށާއި އެކި ބަލިތަކާއި ބެހޭ ގޮތުން މައުލޫމާތު ސާފު ކުރުމަށް މިއީ ރަނގަޅު ފުރުސަތެއް ކަމަށެވެ.

މި އެކްސްޕޯގައި ހިތުގެ ބަލިތަކާއި ދަރިން ނުލިބުމުގެ މައްސަލަތަކުގެ މައުލޫމާތު ވެސް ފޯރުކޮށްދެވިގެންދާނެއެވެ. މި އެކްސްޕޯގައި އިންޑިއާގެ 16 ހޮސްޕިޓަލަކުން ބައިވެރިވެފައިވެއެވެ. އޭގެ ތެރޭގައި ޕީއެސްޖީ ހޮސްޕިޓަލް، ބީއާރް ލައިފް ގްރޫޕް ހޮސްޕިޓަލް، ވައިދިޔާ ހެލްތް ކެއަރ އަޔުރްވެދާ، ފްރަންޓިއަރ ލައިފް ލައިން ހިމެނެއެވެ.

މި އެކްސްޕޯގައި އިންޑިއާގެ ތަޖުރިބާކާރު ޑޮކްޓަރުންނާއި ހޮސްޕިޓަލްތަކުގެ އިސް ފަރާތްތަކުން ބައިވެރިވެއެވެ.

މި އެކްސްޕޯގައި ސިއްހީ އެކި ކަންތައްތަކާއި ބެހޭ މައުލޫމާތު ފުޅާ ދާއިރާއެއްގައި ފޯރުކޮށްދެވިގެންދާއިރު މިއީ ރާއްޖޭގައި ސިއްހީ ދާއިރާއާ ގުޅޭ އެކްސްޕޯއެއް ބާއްވާ ފުރަތަމަ ފަހަރެވެ.