އިންޑިއާގެ މިނިސްޓަރ އޮފް ސްޓޭޓް ފޮރ އެކްސްޓަރނަލް އެފެއާޒް ރަސްމީ ދަތުރުފުޅެއްގައި ރާއްޖެ ވަޑައިގެންފި
މިދަތުރުފުޅުގައި ރައީސް ޔާމީނާއި ބައްދަލުކުރަން ވަނީ ހަމަޖެހިފަ
ވެލާނާ އިންޓަރނޭޝަނަލް އެއަރޕޯޓުން އެމަނިކުފާނަށް މަރުޙަބާ ދެންނަވަނީ
އިންޑިއާގެ މިނިސްޓަރ އޮފް ސްޓޭޓް ފޮރ އެކްސްޓަރނަލް އެފެއާޒް، ހިޒް އެކްސަލެންސީ މރ. އެމް.ޖޭ. އަކްބަރު ރަސްމީ ދަތުރުފުޅެއްގައި ރާއްޖެ ވަޑައިގެންފިއެވެ.
މރ. އެމް.ޖޭ. އަކްބަރު ރާއްޖެ ވަޑައިގެންފައި ވަނީ ބުރާސްފަތި ދުވަހުގައެވެ. ވެލާނާ އިންޓަރނޭޝަނަލް އެއަރޕޯޓުން އެމަނިކުފާނަށް މަރުޙަބާ ދެންނެވީ ފޮރިން ސެކްރެޓަރީ ޑރ. ޢަލީ ނަސީރު މުޙައްމަދާއި ސެކްރެޓަރީ، ބައިލެޓަރަލް އަލްފާޟިލް އަޙްމަދު ޙަލީލްއެވެ.
އެމަނިކުފާނުގެ މިދަތުރުފުޅުގައި ރައީސުލްޖުމްހޫރިއްޔާ އަލްފާޟިލް ޢަބްދުﷲ ޔާމީން ޢަބްދުލްޤައްޔޫމްގެ އަރިހަށާއި، މިނިސްޓަރ އޮފް ފޮރިން އެފެއާޒް ޑރ. މުޙައްމަދު އާސިމްގެ އަރިހަށް އިޙްތިރާމްގެ ޒިޔާރަތެއް ކުރައްވާގޮތަށް ވަނީ ހަމަޖެހިފައެވެ.
ސްޓޭޓް މިނިސްޓަރ އަކްބަރުގެ މިދަތުރުފުޅުގައި، އެމަނިކުފާނުގެ އަރިހުގައި މރ. ސަންޖޭ ޕަންޑާ، ޖޮއިންޓް ސެކްރެޓަރީ (އައި.އޯ.އާރ.) އަދި މރ. އޭ. އަމަރުނާތް، ޑީ.އެސް. އިން އޮފީސް އޮފް އެމް.އެސް. ބައިވެރިވެވަޑައިގަންނަވައެވެ.
