ކ. މާލެ
|
14 ޖޫން 2019 | ހުކުރު 15:33
ޖޭއެސްސީގެ މެމްބަރު، ފަނޑިޔާރު މުހައްމަދު އީސާފުޅު
ޖޭއެސްސީގެ މެމްބަރު، ފަނޑިޔާރު މުހައްމަދު އީސާފުޅު
ރާއްޖެއެމްވީ
ޖުޑީޝަލް ސަރވިސް ކޮމިޝަން
ޖޭއެސްސީން މަސައްކަތްތައް ކުރަނީ ފޮރުވައިގެން، ޒިންމާ ރަނގަޅަށް އަދައެއް ނުކުރޭ: ފަނޑިޔާރު އީސާފުޅު
 
އީސާފުޅަކީ ޖޭއެސްސީއަށް ދަށު ކޯޓުތަކުގެ ފަނޑިޔާރުންގެ ތެރެއިން އެކޯޓުތަކުން އިންތިޚާބުކޮށްފައިވާ ފަނޑިޔާރު
 
ފަނޑިޔާރުންގެ މަސައްކަތްތަކާ ގުޅޭ ޕާފޯމެންސް ގަވާއިދު ވަރަށް މުހިންމު
 
މިނިވަންކަމާއެކު މަސައްކަތް ކުރެވޭނެ މާހައުލެއް ގާއިމްކޮށްދޭން ޖެހޭ

ޖުޑިޝަލް ސަރވިސް ކޮމިޝަން (ޖޭއެސްސީ)ގެ ޒިންމާ ރަނގަޅަށް އަދާ ކުރެވިފައިނުވާ ކަމަށާއި، މަސައްކަތްތައް ކުރަމުންދަނީ ފޮރުވިގެން ކަމަށް ޖޭއެސްސީގެ މެމްބަރު ފަނޑިޔާރު މުހައްމަދު އީސާފުޅު ވިދާޅުވެއްޖެ އެވެ.

ފަނޑިޔާރު މުހައްމަދު އީސާފުޅަކީ ޖޭއެސްސީއަށް ދަށު ކޯޓުތަކުގެ ފަނޑިޔާރުންގެ ތެރެއިން އެކޯޓުތަކުން އިންތިޚާބުކޮށްފައިވާ ފަނޑިޔާރެވެ.

ޖޭއެސްސީގެ މެމްބަރު ހާޒިރުކޮށް ބޭއްވި ރައްޔިތުންގެ މަޖިލީހުގެ ޖުޑީޝަރީ ކޮމެޓީގެ ބައްދަލުވުމުގައި މެމްބަރުން ކުރިމަތިކުރުވި ސުވާލުތަކަށް ޖަވާބުދެއްވަމުން ފަނޑިޔާރު އީސާފުޅު ވިދާޅުވީ ޖޭއެސްސީގައި މަސައްކަތް ކުރަމުން އަންނަތާ ފަސް އަހަރުވާންވެފައިވާ ކަމަށާއި، ނަމަވެސް މަސައްކަތްތައް ކުރިއަށް ގެންދަނީ ވަރަށް ފޮރުވި، ވަންހަނާކޮށްގެން ކަމަށެވެ. އަދި ކުރީގައި ޖަލްސާތައް ރިކޯޑްކޮށްގެން ކުރިއަށްގެންދިޔަކަމަށާއި، ނަމަވެސް ވަކި ހިސާބަކުން ރިކޯޑް ނުކުރާ ގޮތަށް ފާސްކޮށް، ބައްދަލުވުންތައް ރިކޯޑްކޮށްފައިވެސް ނުވާކަމަށް ފަނޑިޔާރު ވިދާޅުވި އެވެ.

ދިވެހިރާއްޖޭގެ އުއްތަމަ ފަނޑިޔާރު ވަކިކުރެވިގެންދިޔައިރުގަ ދެފަހަރެއްގެ މަތިން. އެންމެ ފުރަތަމަ އަހުމަދު ފާއިޒް ހުސެއިންގެ ވާހަކަ މިދަންނަވަނީ. އެންމެ އާދައިގެ ރައްޔިތަކަށް ލިބޭ ހައްގު ވެސް އުއްތަމަ ފަނޑިޔާރަށް ނުލިބޭ. އެއީ މައްސަލައެއް ބާއްވާކަމަށްވަންޏާ ދެތިން ދުވަސް ތެރޭގައި ނޯޓިސް އެބަފޮނުވާ. އެބަ އަހާލެވޭ އެކަން ކުރިންތޯ. އެވަރު ވެސް އުއްތަމަ ފަނޑިޔާރު ކިބައިން ނޭހޭ. ގާބިލް ނޫންކަމަށް ކަނޑައެޅިގެން ދިޔައީ. އެހެންވީމަ ހަގީގަތުގަ ޖުޑިޝަލް ސަރވިސް ކޮމިޝަންގެ ޒިންމާ އަދާކުރެވުނުނަމަ މިއަދު މިފެންނަ ފަނޑިޔާރުގެއަށްވުރެ މާ ރަނގަޅު ފަނޑިޔާރުގެއެއް ފެންނާނެ ކަމަށް އަޅުގަނޑަށް ގަބޫލުކުރެވޭ.
ފަނޑިޔާރު މުހައްމަދު އީސާފުޅު

ފަނޑިޔާރު އީސާފުޅު ވިދާޅުވީ ޖޭއެސްސީއަކީ ދުސްތޫރީ މުއައްސަސާއެއް ކަމަށާއި، ޒިންމާ އަދާކުރުމަށް މައްސަލައެއް ނޫޅޭ ނަމަ މިނިވަންކަމާއެކު މަސައްކަތް ކުރެވޭނެ މާހައުލެއް މަޖިލީހުން ގާއިމްކޮށްދޭންޖެހޭ ކަމަށެވެ.

ފަނޑިޔާރުންގެ ޕާފޯމަންސް ގަވާއިދަށް އަލިއަޅުއްވާލައްވާ ފަނޑިޔާރު އީސާފުޅު ވިދާޅުވީ ފަނޑިޔާރުގޭގެ ހަލުވިކަމާއެކު މައްސަލަތައް ނިންމުމާއި ރަނގަޅު ނަތީޖާ ރައްޔިތުންނަށް ފެނުމާ ގުޅިފައި ހުރި ކަންކަން ކަމަށެވެ. އަދި ޕާފޯމަންސުން ފަނޑިޔާރުންނަށް ތަމްރީން ބޭނުންވަނީ ކޮންދިމާލަކުން ކަން އެނގޭނެ ކަމަށާއި، އެމީހުންނަށް ތަމްރީން ދީގެން ނޫން ގޮތަށް ރަނގަޅު ފެންވަރުގެ ހުކުމްތަކެއް ނާންނާނެ ކަމަށް އޭނާ ވިދާޅުވި އެވެ.

ޕާފޯމަންސް ގަވާއިދު ހަގީގަތުގައި ހުއްޓިފައި މިއޮތީ ސުޕްރީމް ކޯޓުގެ ސިޓިއަކާ ގުޅިގެން. އޭގެ ސަބަބަކީ ސުޕްރީމް ކޯޓުގެ ފަނޑިޔާރުންގެ ޕާފޯމަންސްގެ ޖޭއެސްސީއަށް ބެލޭނެ އެއްޗެއް ކަމަށް ސުޕްރީމް ކޯޓުން ގަބޫލުނުކުރެއްވޭތީ އެސިޓީ އެގޮތަށް އައީ. 2014 އިން ފެށިގެން އެއޮތީ ހުއްޓިފައި.
ފަނޑިޔާރު މުހައްމަދު އީސާފުޅު

ފަނޑިޔާރު އީސާފުޅު ވިދާޅުވީ ޕާފޯމެންސް ގަވާއިދަކީ ވަރަށް މުހިންމު ގަވާއިދެއް ކަމަށާއި، މި ގަވާއިދުން ފަނޑިޔާރުންގެ މިންގަނޑުތައް ކަނޑައެޅޭނެ ކަމަށެވެ. މިކަންކަން އަލުން އެކުލަވާލައި، ތަންފީޒުކުރުމަށް 19 ވަނަ ރައްޔިތުންގެ މަޖިލީހުން މަސައްކަތް ކޮށްދިނުމަށް ފަނޑިޔާރު އީސާފުޚު އެދިވަޑައިގެންނެވިއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ލީވާން އަލީ
13%
0%
0%
6%
13%
69%
ކޮމެންޓް
ގުޅުންހުރި
މިމައްސަރަކީ މުޅި އުމުރުގައި ކޮށްފައިވާ ފާފައިން ތާހިރުވުމަށް ލިބޭ ފުރުސަތެއް، ރޭއަޅުކަންކުރުން އިތުރުކުރޭ: ޚުތުބާ
ދައުލަތުގެ މުވައްޒަފަކާ ގުޅުންހުރި ފަރާތަކާއެކު ވިޔަފާރީގެ މުޢާމަލާތް ކުރެވޭނެ ގޮތްތައް ބަޔާންކޮށް އުސޫލެއް ނެރެފި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ