އާދީއްތަ 25 އޯގަސްޓު 2019
02 ފުރަ
1440 ޒުލްޙައްޖު 23
ފަތިސް 04:47
އިރުއަރާ 06:00
މެންދުރު 12:12
އަސްރު 15:21
މަޣްރިބް 18:17
އިޝާ 19:29
ކުޅިވަރު - ރާޅުގުޑި

ރާޅުގުޑި: މެއިން ސްޕޮންސާ ސްލިންގ ޝޮޓާއެކު އެއްބަސްވުމުގައި ސޮއިކޮށްފި

  • މި އިވެންޓު ކުރިޔަށްދާނީ 15 ދުވަހަށް

ލީވާން އަލީ
MrLeevaan

ކ. މާލެ 12 ޖޫން 2019 | ބުދަ 17:59 1,371

މެއިން ސްޕޮންސާ ސްލިންގ ޝޮޓާއެކު އެއްބަސްވުމުގައި ސޮއިކުރަނީ - ރާއްޖެއެމްވީ

ރާއްޖޭގެ ފަތުރުވެރިކަން ކުރިއެރުވުމާއި މޫދަށް ކުނި ނޭޅުމަށް ބާރުއެޅުމުގެ މަގުސަދުގައި ބާއްވާ ރާޅުގުޑީގެ މެއިން ސްޕޮންސާ ސްލިންގ ޝޮޓާއެކު އެއްބަސްވުމުގައި ސޮއިކޮށްފިއެވެ.

މެއިން ސްޕޮންސާ ސިލިންގ ޝޮޓަކީ ކައިޓް ސާފިންގގެ މަޝްހޫރު ބްރޭންޑެއް ކަމަށްވާއިރު، އެ ކުންފުނިން އަންނަނީ ރާއްޖޭގެ ކައިޓް ސާފިން ކުރިއެރުވުމަށް ބުރަ މަސައްކަތްތަކެއް ކުރަމުންނެވެ.

އެގޮތުން އެ ކުންފުނިން ވަނީ ރާއްޖޭގެ އުތުރުން ދެކުނަށް ބާއްވާ މި އިވެންޓަށް ހާއްސަކޮށްގެން ރާއްޖޭގެ ދިދަ ރަމްޒުވާގޮތަށް ކައިޓް ތައްޔާރުކޮށްފައެވެ.

މީގެކުރިން މި އިވެންޓްގެ ޕާޓްނަރުންކަމަށްވާ ފިއުލް ސަޕްލައި މޯލްޑިވްސް (އެފްއެސްއެމް) އާއި އެމްސެވެން އާއި ސީގިއާ އާއި ކުއެންޓިޓީ މޯލްޑިވްސް އާއި ރާޅު ވޯޓާސްޕޯޓްސް އަދި ގޯބިގް މޯލްޑިވްސްއާއެކު ރާޅުގުޑިން ވަނީ އެއްބަސްވުމުގައި ސޮއިކޮށްފައެވެ.

މި ހަރަކާތުގެ މީޑިއާ ޕާޓްނަރަކީ ރާއްޖެ ޓީވީއެވެ.

"ރާޅު ގުޑި ދެކުނުން އުތުރަށް" ހަރަކާތުގެ މެނޭޖަރު މުހައްމަދު ފައިސަލް (ކޭވީ) ބުނީ ހަރަކާތް ކުރިއަށް ދާނީ އައްޑު އަތޮޅުން ފެށިގެން ހއ. ތުރާކުނާއި ހަމައަށް ކަމަށެވެ. ޖޫން އަދި ޖުލައި މަހުގައި ކުރިއަށް ގެންދާ މި ހަރަކާތްގައި ބައިވެރިވަނީ ހަތަރު މީހުންނެވެ.

ރާޅުގުޑި އިވެންޓު އިންތިޒާމު ކުރާ މާފުށި ޑައިވް އިން ބުނެފައި ވަނީ އައްޑު އަތޮޅުގެ އެންމެ ދެކުނު ބިތުން ތުރާކުނުގެ އެންމެ އުތުރު ބިތަށް ރާޅުގުޑީގައި ފަށާ މި ދަތުރުގެ ދިގު މިނަކީ 15 ދުވަސް ކަމަށާއި، މި މުއްދަތުގައި 20 ރަށެއްގައި މަޑުކުރާނެ ކަމަށެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް