ރާޅުގުޑި ހަރަކާތުގެ ޕާޓްނަރުންނާއެކު ސޮއިކޮށްފި
30 މެއި 2019 | ބުރާސްފަތި 09:38މި ހަރަކާތުގެ މީޑިއާ ޕާޓްނަރަކީ ރާއްޖެ ޓީވީ
ރާޅުގުޑީގެ ޕާޓްނަރ އެފްއެސްއެމްއާ ސޮއިކުރުން
ރާއްޖޭގެ ފަތުރުވެރިކަން ކުރިއެރުވުމާއި މޫދަށް ކުނި ނޭޅުމަށް ބާރުއެޅުމުގެ މަގުސަދުގައި ބާއްވާ ރާޅުގުޑި ހަރަކާތުގެ ޕާޓްނަރުންނާއެކު ސޮއިކޮށްފިއެވެ.
ރާޅުގުޑީގެ ޕާޓްނަރުންގެ ގޮތުގައި ސޮއިކޮށްފައިވަނީ ފިއުލް ސަޕްލައި މޯލްޑިވްސް (އެފްއެސްއެމް) އާއި އެމްސެވެން އާއި ސީގިއާ އާއި ކުއެންޓިޓީ މޯލްޑިވްސް އާއި ރާޅު ވޯޓާސްޕޯޓްސް އަދި ގޯބިގް މޯލްޑިވްސްއެވެ.
ޕާޓްނަރެއްގެ ގޮތުގައި ސޮއިކުރުމަށް ފަހު އެފްއެސްއެމްގެ މެނޭޖިން ޑިރެކްޓަރ މުހައްމަދު ގަސަމް ވިދާޅުވީ، އެފްއެސްއެމްއަކީ އަބަދު ވެސް އިޖުތިމާއީ ހަރަކާތްތަކަށް ހަރަދުކުރާ ކުންފުންޏެއް ކަމަށެވެ.
މި ހަރަކާތުގެ މީޑިއާ ޕާޓްނަރަކީ ރާއްޖެ ޓީވީއެވެ.
"ރާޅު ގުޑި ދެކުނުން އުތުރަށް" ހަރަކާތުގެ މެނޭޖަރު މުހައްމަދު ފައިސަލް (ކޭވީ) ބުނީ ހަރަކާތް ކުރިއަށް ދާނީ އައްޑު އަތޮޅުން ފެށިގެން ހއ. ތުރާކުނާއި ހަމައަށް ކަމަށެވެ. ޖޫން އަދި ޖުލައި މަހުގައި ކުރިއަށް ގެންދާ މި ހަރަކާތްގައި ބައިވެރިވަނީ ހަތަރު މީހުންނެވެ.
ރާޅުގުޑި އިވެންޓު އިންތިޒާމު ކުރާ މާފުށި ޑައިވް އިން ބުނެފައި ވަނީ އައްޑު އަތޮޅުގެ އެންމެ ދެކުނު ބިތުން ތުރާކުނުގެ އެންމެ އުތުރު ބިތަށް ރާޅުގުޑީގައި ފަށާ މި ދަތުރުގެ ދިގު މިނަކީ 15 ދުވަސް ކަމަށާއި، މި މުއްދަތުގައި 20 ރަށެއްގައި މަޑުކުރާނެ ކަމަށެވެ.
