އިންޑިއާގެ ޤައުމީ ޓީމުން ސޮއިކޮށްފައިވާ ކްރިކެޓް ބެޓެއް ބޮޑުވަޒީރު ނަރެންދުރަ މޯދީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހަށް އަރުއްވައިފިއެވެ.

ރައީސް ސޯލިހުއަށް މި ކްރިކެޓް ބެޓު އެރުއްވީ ރައީސް އޮފީހުގައި ބޭއްވި ޚާއްސަ ރަސްމިއްޔާތެއްގައެވެ.

ބޮޑުވަޒީރު މޯދީ ކުރެއްވި ޓްވީޓެއްގައި ވިދާޅުވީ ރައީސް ސޯލިހުއަކީ ކްރިކެޓްއަށް ވަރަށް ލޯބި ކުރައްވާ ބޭފުޅެއް ކަމަށެވެ. އަދި އެމަނިކުފާނަށް އެރުއްވި ކްރިކެޓް ބެޓުގައި އިންޑިއާގެ ކްރިކެޓް ޤައުމީ ޓީމުން ސޮއިކޮށްފައިވާ ކަމަށެވެ.

ރައީސް ސޯލިހަށް ކްރިކެޓް ބެޓެއް އަރުއްވާފައިވާއިރު، އިންޑިއަން ޕްރިމިއާ ލީގް (އައިޕީއެލް) ގައި ކުޅޭ ފޯރިގަދަ ކްރިކެޓް މެޗެއް ބެއްލެވުމަށް އެމަނިކުފާނު އިންޑިއާއަށް ވަޑައިގެންނެވިއެވެ.

ރާއްޖޭގެ ގައުމީ ކްރިކެޓު ޓީމު ކުރިއަރުވަން މިސަރުކާރުން ގިނަ މަސައްކަތްތަކެއް ދަނީ ކުރަމުންނެވެ. މީގެ އިތުރުން ރާއްޖޭގެ ކްރިކެޓްގެ ހާލަތު ބަލައި ދިރާސާ ކުރުމަށް އިންޑިއާގެ ކްރިކެޓް ބޯޑްގެ ވަފުދެއް މެއި މަހުގެ 20ގައި ރާއްޖެ ވަޑައިގަންނަވާ މުހިންމު މަޝްވަރާތަކެއް ޔޫތް މިނިސްޓްރީއާއެކު ވަނީ ކުއްވާފައެވެ.

ރާއްޖެ ވަޑައިގެންނެވި ވަފުދުގައި ހިމެނިވަޑައިގަންނަވަނީ އިންޑިއާގެ ކްރިކެޓްގެ ބެލެނިވެރި ފަރާތް ކަމަށްވާ ބޯޑް އޮފް ކްރިކެޓް ފޯ ކްރިކެޓް އިންޑިއާ (ބީސީސީއައި)ގެ ޖެނެރަލް މެނޭޖަރ، އިންޑިއާގެ ކުރީގެ ވިކެޓް ކީޕަރ ސަބާ ކަރީމް އަދި އިންޑިއާ ގައުމީ ޓީމްގެ ފީލްޑިން ކޯޗް އަބޭ ޝަރްމާއެވެ.