ފިތުރު ޒަކާތުގެ ގޮތުގައި ކޮންމެ ފަގީރަކަށް 5000 ރުފިޔާ ލިބޭ: އިސްލާމިކް މިނިސްޓްރީ
6 ޖޫން 2019 | ބުރާސްފަތި 16:30ފަގީރުންގެ ދަފުރަތުގައި ރަޖިސްޓްރީވެފައިވަނީ 1128 މީހުން
އިސްލާމިކް މިނިސްޓްރީގައި ޒަކާތު ފައިސާ ބަލައިގަންނަނީ
ސާދަ ސަތޭކަ ސާޅިސް ވަނަ އަހަރު ޒަކާތުގެ ގޮތުގައި ފަގީރުންގެ ގޮތުގައި ރަޖިސްޓްރީވެފައިވާ މީހުންގެ ތެރެއިން ކޮންމެ މީހަކަށް ފިތުރު ޒަކާތުގެ ގޮތުގައި 5000 ރުފިޔާ ބޮލަކަށް ޖެހޭ ކަމަށް އިސްލާމިކް މިނިސްޓްރީން ބުނެފިއެވެ.
އިސްލާމިކް މިނިސްޓްރީން ބުނީ މާލެއާއި ވިލިމާލެ އަދި ހުޅުމާލެއިން މިއަހަރު ފިތުރު ޒަކާތުގެ ގޮތުގައި ފަސް މިލިއަން ހަ ލައްކަ ސާޅީސް ހަތަރުހާސް އެއްސަތޭކަ އަށާރަ (5644،118.00) ރުފިޔާލިބިފައިވާ ކަމަށެވެ. މިއަހަރު ފަގީރުންގެ ދަފުރަތުގައި ރަޖިސްޓްރީވެފައިވާ 1128 މީހުންނަށް މި ފައިސާ ބެހުމުން ކޮންމެ ބޮލަކަށް 5000 ރުފިޔާ ލިބޭ ކަމަށް މިނިސްޓްރީން ބުންޏެވެ.
ފިތުރު ޒަކާތުގެ ގޮތުގައި މިއަހަރު ލިބުނު ފަސް މިލިއަން ހަ ލައްކަ ސާޅީސް ހަތަރުހާސް އެއްސަތޭކަ އަށާރަ ރުފިޔާއަކީ 1439 ވަނަ އަހަރާ އަޅާއި ބަލާއިރު 1،221،858 (އެއް މިލިއަން ދެލައްކަ އެކާވީސްހާސް އަށްސަތޭކަ ފަންސާސް އަށްހާސް) އިތުރު އަދަދެކެވެ. ނިމިގެން ދިޔަ އަހަރު ފިތުރު ޒަކާތުގެ ގޮތުގައި ލިބިފައިވަނީ 4،256،495.00 (ހަތަރު މިލިއަން ދެލައްކަ ފަންސާސް ހަ ހާސް ހަތަރު ސަތޭކަ ނުވަ ދިހަ ފަސް ރުފިޔާ) އެވެ.
މި އަހަރުގެ ފިތުރު ޒަކާތުގެ ފައިސާ ދޫކުރަން ފަށާފައި ވަނީ މިމަހުގެ 3 ވަނަ ދުވަހެވެ.
