މަސްތުވާތަކެތީގެ މައްސަލައެއްގައި ހޯރަފުށިން ދެ މީހަކު ހައްޔަރުކޮށްފި
ހައްޔަރުކޮށްފައިވަނީ 33 އަހަރުގެ މީހަކާއި، 35 އަހަރުގެ މީހެއް
ހޯރަފުށި ޕޮލިސް ސްޓޭޝަން
ހއ. ހޯރަފުށި ޕޮލިސް ސްޓޭޝަނުން ބުދަ ދުވަހު ހިންގި އޮޕަރޭޝަނެއްގައި މަސްތުވަތަކެއްޗާއެކު އެރަށުން ދެ މީހަކު ހައްޔަރުކޮށްފިއެވެ.
ފުލުހުން ބުނީ އެ ދެ މީހުން ހައްޔަރު ކޮށްފައިވަނީ މަސްތުވާތަކެތި ކަމަށް ބެލެވޭ އެއްޗެއް ހުރި ސެލޯފިން ކޮޅަކާއި މަސްތުވާތަކެތި ބަންދުކުރަން ބޭނުންކުރާ ބައެއް އާލަތްތަކާއެކު ކަމަށެވެ.
މި މައްސަލައިގައި ހައްޔަރު ކޮށްފައިވަނީ 33 އަހަރުގެ މީހަކާއި 35 އަހަރުގެ މީހެކެވެ.
މަސްތުވާތަކެތީގެ މައްސަލަތައް އިތުރުވަމުން އަންނައިރު، ފުލުހުންވެސް އަންނަނީ އެފަދަ ފަރާތްތައް އަތުލައިގަތުމަށް ގިނަ މަސައްކަތްތަކެއް ކުރަމުންނެވެ. އެގޮތުން ނިމުނު ދުވަސްތަކުގައި ފުލުހުން ހިންގި އޮޕަރޭޝަންތަކުގައި މަސްތުވާތަކެތީގެ ވިޔަފަރިކުރާ "ބޮޑުންތަކެއް" ވަނީ އަތުލައިގަނެފަ އެވެ.
