ބިދޭސީއެއްގެ ފޯނު ފޭރިގަނެގެން ގޮސް ބްރިޖު ދަށުގައި ފޮރުވައިފި
5 ޖޫން 2019 | ބުދަ 10:32ފޯނު ފޭރިގަނެފައިވަނީ އެ މީހާ ފަރީދީ މަގުން ހިނގާފައި ދަނިކޮށް
ސިނަމާލެ ބްރިޖު
ބިދޭސީއެއްގެ ފޯނު ފޭރިގަނެގެން ގެންގޮސް ސިނަމާލެ ބްރިޖް ދަށުގައި ފޮރުވައިފިއެވެ.
މި ހާދިސާ ހިނގާފައި ވަނީ އަންގާރަ ދުވަހުގެ ރޭ 21:10 ހާއިރު އެވެ. ފުލުހުން ބުނީ ބިދޭސީ މީހާގެ އަތުން ފޯނު ފޭރިގަނެގެން ގޮސްފައި ވަނީ އެމީހާ ފަރީދީ މަގުން ހިނގާފައި ދަނިކޮށް ކަމަށެވެ. އަދި އެ މީހާގެ ފޯނު ސިނަމާލެ ބްރިޖް ދަށުގައި ފޮރުވާފައި އޮއްވާ ބުދަ ދުވަހުގެ ހެނދުނު 9:30 ހާއިރު ފެނިފައިވާ ކަމަށް ފުލުހުން ބުންޏެވެ.
ފުލުހުން ބުނި ގޮތުގައި މި މައްސަލައާ ގުޅިގެން އަދި އެއްވެސް މީހަކު ހައްޔަރު ކޮށްފައެއް ނުވެއެވެ.
ހުޅުމާލެ ފުލުހުން ނެރެފައިވާ ސްޓެޓިސްޓިކްސް އަށް ބަލާއިރު މޭ މަހުގެ 25 އިން ފެށިގެން 31 މޭއާ ހިސާބަށް، ހުޅުމާލޭގައި ވެސް ފޭރުމުގެ ދެ މައްސަލަ އަދި ވައްކަމުގެ ހަތް މައްސަލަ ވަނީ ފެންމަތިވެފައިވާ ކަމަށް ފުލުހުން ބުންޏެވެ.
