ވަޅު އީދު ދުވަހުގެ ހަވީރު މާލެއާއި، ހުޅުމާލެ އަދި ވިލިމާލޭގައި ވެހިކަލް ދުއްވޭގޮތަށް ހަމަޖައްސަވައިފި
މަނާ ކޮށްފައިވަނީ އީދު ދުވަހުގެ ހަވީރު 16:00 އިން ފެށިގެން އިރު އޮއްސި 18:00 އާ ދެމެދު
ސިނަމާލޭ ބްރިޖުގައި ވެހިކަލް ދުއްވަނީ
ފިތުރު އީދު ދުވަހާއި ޖެހިގެން އަންނަ ވަޅު އީދު ދުވަހުގައި މާލެއާއި، ހުޅުމާލެ އަދި ވިލިމާލޭގައި ވެސް ވެހިކަލް ދުއްވޭނެ ކަމަށް މާލޭ ސިޓީ ކައުންސިލުން ބުނެފިއެވެ.
މީހަކަށް ގެއްލުމެއް ލިބިދާނެތީ ފިތުރު އީދު ދުވަސް ކަމަށްވާ މި މަހުގެ 4 ވަނަ ދުވަހާއި، ދުނިޔޭގެ ތިމާވެށި ދުވަސް ކަމަށްވާ މި މަހުގެ 5 ވަނަ ދުވަހު މާލޭ އާއި ވިލިމާލޭގައި ހަވީރު އިންޖީނުލީ އުޅަނދު ދުއްވުމަކީ މަނާ ކަމެއް ކަމުގައި ކައުންސިލުން ކުރިން ހަމަޖައްސަވާފައި ވީނަމަވެސް، ވެހިކަލް ނުދުއްވޭނެ ހަމައެކަނި ދުވަހަކީ އީދު ދުވަހުގެ ހަވީރު ކަމަށް ޓްރާންސްޕޯރޓް އޮތޯރިޓީން ކަނޑައެޅުމާ ގުޅިގެން ސިޓީ ކައުންސިލުންވެސް ވަނީ އެގޮތަށް އަމަލުކުރަން ނިންމާފައެވެ.
ފިތުރު އީދު ދުވަހު ހަވީރު ވެހިކަލް ދުއްވުން މަނާކޮށްފައިވަނީ ފިތުރުއީދުގެ އުފާފާޅުކުރުމުގެ ގޮތުން ދޮށީ އުމުރުގެ މީހުންނާއި ކުޑަކުދިންނާ ޒުވާނުން މަގުމައްޗަށް ނުކުމެ އީދު ކުޅިވަރުތަކުގައި ބައިވެރިވުމަށް މަގުމައްޗަށް ނުކުމެ އުޅުމަށް މަގުފަހި ކޮށްދިނުމަށެވެ. އެގޮތުން ޓްރާންސްޕޯރޓް އޮތޯރިޓީން ވަނީ އީދު ދުވަހުގެ ހަވީރު 16:00 އިން ފެށިގެން އިރު އޮއްސި 18:00 އާ ދެމެދު އިންޖީނުލީ އުޅަނދުތަކުގެ ތެރެއިން އެ އޮތޯރިޓީން އިސްތިސްނާ ކޮށްފައިވާ އުޅަނދުތައް ފިޔަވައި އެހެން އުޅަނދުތައް ދުއްވުން މަނާކޮށްފައެވެ.
ޓްރާންސްޕޯޓު އޮތޯރިޓީގެ އެންގުމާ ޚިލާފަށް އީދު ދުވަހުގެ ހަވީރު މާލެ އާއި ވިލިމާލެ އަދި ހުޅުމާލޭގައި ވެހިކަލް ދުއްވާ މީހުން 750ރ. އިން ޖޫރިމަނާ ކުރާނެ ކަމަށް އެ އޮތޯރިޓީން ބުނެ އެވެ.
