ގއ.ކޮނޑޭއިން ގަވާއިދާ ހިލާފަށް ރުއްގަސް ކަނޑާ ފަރާތްތަކާ މެދު ފިޔަވަޅު އަޅާނެ ކަމަށް އެރަށުގެ ކައުންސިލުން ބުނެފިއެވެ.
ކޮނޑޭ ކައުންސިލުން ބުނީ ރާއްޖޭގެ ތިމާވެށި ރައްކާތެރި ކުރުމާއި ބެހޭ ޤާނޫނާއި ޚިލާފަށް ކޮނޑޭއިން ގިނަ އަދަދެއްގެ ރޯގަސް ކަނޑައި ދަރުގެ ގޮތުގައި ވިއްކަމުންދާކަމުގެ ޝަކުވާ ލިބިފައިވާ ކަމަށެވެ.
ކައުންސިލުން ބުނީ ވަލުތެރެއާއި، ދަނޑުބިންތަކުގައާއި، ގޯތިގެދޮރުގައި އިންދާހައްދައި ނުވަތަ ގުދުރަތީ ގޮތުން ހެދިފައިވާ ގަހެއްނަމަވެސް ރާއްޖޭގެ ތިމާވެށި ރައްކާތެރި ކުރުމާއި ބެހޭ ގާނޫނާއި، އެގާނޫނުގެ ދަށުން ހިދެފައިވާ އެންމެހައި ގަވާއިދުތަކާއި ޚިލާފަށް ކެނޑުމަކީ މަނާކަމެއް ކަމަށެވެ.
އެފަދަ ޢަމަލުތައް ހިންގާނަމަ ކަމާއި ބެހޭ މުއައްސަސާތައް މެދުވެރިކޮށް އެފަދަ ފަރާތްތަކާއި މެދު ފިޔަވަޅު އަޅާނެކަމަށް ކައުންސިލުން ބުންޏެވެ.
އެހެންކަމުން ރާއްޖޭގެ ތިމާވެށި ހިމާޔަތްކުރުމާއި ބެހޭ ގާނޫނާއި، އެގާނޫންގެ ދަށުން ހެދިފައިވާ ގަވާއިދުތަކާއި ޚިލާފަށް އެއްވެސް ބާވަތެއްގެ ރުއްގަހެއް ނުކެނޑުމަށާއި، ކައުންސިލުން ވަނީ އިލްތިމާސްކޮށްފައެވެ.
