ކެޓްރީނާގެ އަމިއްލަ ޕްރޮޑަކްޝަން ހައުސްއެއް ހަދަނީ
ޕްރޮޑަކްޝަން ހައުސްއެއް ހެދުމަށް ވިސްނާފައި ވަނީ މި އަހަރުގެ ފަހުކޮޅު
ކެޓްރީނާ ކެއިފް
ބޮލީވުޑް އެކްޓަރ ކެޓްރީނާ ކެއިފް މިވަގުތު ދަނީ އޭނާގެ އަންނަން އޮތް ފިލްމް "ބާރަތު" ގެ ޕްރޮމޯޓިން މަސައްކަތްތައް ކުރަމުންނެވެ.
ޕިންކް ވިލާއަށް ދިން އިންޓަވިއުގައި ކެޓްރީނާ ވަނީ ފިލްމް ޕްރޮޑަކްޝަންގެ ތެރެއަށް ވަނުމާއި ގުޅޭ ގޮތުން ވާހަކަ ދައްކާފައެވެ.
ކެޓްރީނާ ބުނެފައި ވަނީ އޭނާގެ އަމިއްލަ ޕްރޮޑަކްޝަން ހައުސްއެއް މިއަހަރު ފަހުކޮޅުގައި ހެދުމަށް ވިސްނަމުންދާ ކަމަށެވެ.
ރިޕޯޓްތައް ބުނާ ގޮތުން ކެޓްރީނާ ވަނީ ފްރެންޗް ފިލްމް "ހީ ލަވްސް މީ ހީ ލަވްސް މީ ނޮޓް" ގެ ރައިޓްސް ގަނެފައެވެ.
ކެޓްރީނާ މިވަގުތު ދަނީ އަކްޝޭ އަދި ރޯހިތް ޝެޓީގެ ފިލްމް "ސޫރްޔަވަންޝީ" ގެ ޝޫޓިންތައް ނަގަމުންނެވެ. އިތުރު ފިލްމެއްގެ މަސައްކަތް ކުރާނީ "ބާރަތު" ރިލީޒް ކުރުމުން ކަމަށް ކެޓްރީނާ ވަނީ ބުނެފައެވެ.
"ބާރަތު" އަށް ކެޓްރީނާ ހަމަޖައްސާފައި ވަނީ އެ ފިލްމަށް ކުރިން ހަމަޖައްސާފައިވާ ޕްރިޔަންކާ ޗޯޕްރާ އެރޯލް ދޫކޮށްލުމުންނެވެ. މި ފިލްމަށް ތައްޔާރުވުމަށް ކެޓްރީނާ އަށް ލިބިފއިވަނީ ވަރަށް ކުޑާ ދުވަސްކޮޅެއް ކަމަށް ސަލްމާން ވަނީ ބުނެފައެވެ.
