ބްރެކްސިޓް: އެއްބަސްވުމެއް އެކުލަވާލުމަށް ލޭބަރ ޕާޓީއާއެކު އެއްބަސްވުމަކަށް ނުދެވުނު
18 މެއި 2019 | ހޮނިހިރު 08:38އިނގިރޭސި ވިލާތް އީޔޫއިން ވަކިވުން އޮކްޓޯބަރުގެ ނިޔަލަށްވަނީ ފަސްކޮށްދީފައި
އިނގިރޭސި ވިލާތް އީޔޫއިން ވަކިވުމަށް އެކުލަވާލެވޭ އެއްބަސްވުމަށް ޖޫން މަހު ވޯޓަށް އަހާނެ
އިނގިރޭސި ވިލާތް ޔޫރަޕިއަން ޔޫނިއަަން (އީޔޫ)އިން ވަކިވުމަށް އެއްބަސްވުމެއް އެކުލަވާލުމަށް ލޭބަރ ޕާޓީއާއެކު ސަރުކާރުން ކުރި މަޝްވަރާތައް ކޮޅެއްގައި ނުޖެހި ނިންމާލައިފިއެވެ.
ލޭބަރ ޕާޓީގެ ލީޑަރު ޖެރެމީ ކޯބީން ވިދާޅުވީ އެކަން ދެން ދާނެ ގޮތަށް ދިޔައީ ކަމަށެވެ.
ބޮޑުވަޒީރު ތެރީީސާ މޭ ވިދާޅުވީ އިތުރު ރިފަރެންޑަމަކަށް ދިއުމަށް ލޭބަރ ޕާޓީގެ ތެރޭގައި އެއްބަސްވުމަކަށް ނުދެވުމުން ސަރުކާރާއެކު އެއްބަސްވުމަކަށް ދިއުމަށް ދަތިވީ ކަމަށެވެ.
ބޮޑުވަޒީރު މޭ ވިދާޅުވީ ދެން އެކަމަނާ ހުށަހަޅުއްވާނީ އިޚްތިޔާރީ ގޮތްތަކެއް ކަމަށާއި އޭގެ ތެރެއިން މެމްބަރުންގެ އަޣުލަބިއްޔަތު ލިބޭގޮތަކަށް ނިމިގެންދާނެ ކަމަށެވެ.
ނަމަވެސް އަޔަރލޭންޑްގެ ބޮޑުވަޒީރު ލިއޯ ވަރަދްކަރް ވިދާޅުވީ ވާހަކަތައް ނިމިގެންދިއުމަކީ ގޯސް ގޮތެއް ކަމަށެވެ.
އިނގިރޭސި ވިލާތް އީޔޫއިން ވަކިވުމަށް އެކުލަވާލެވޭ އެއްބަސްވުމަށް ޖޫން މަހުގެ ތިންވަނަ ދުވަހުން ފެށިގެން އެ ގައުމުގެ ގާނޫނުހަދާ މަޖިލީހުގައި ވޯޓަށް އަހާނެއެވެ.
އިނގިރޭސި ވިލާތް އީޔޫއިން ވަކިވުން މާރިޗު މަހުގެ 29 ވަނަ ދުވަހަށް ތާވަލުކުރެވިފައި އޮތްނަމަވެސް އީޔޫއާއެކު މަޝްވަރާކުރައްވައި މޭ އެކުލަވާލައްވާފައިވާ އެއްބަސްވުމަށް މެމްބަރުންވަނީ ތިންފަހަރަށް ވެސް ނޫނެކޭ ބުނެފައެވެ.
އެއާއެކު މޭގެ އެދިވަޑައިގަތުމުގެ މަތިން އީޔޫއިން އިނގިރޭސި ވިލާތް އީޔޫއިން ވަކިވުން 31 އޮކްޓޯބަރާއި ހަމައަށް ފަސްކޮށްފައެވެ.
