އީގަލްސްއަށް ކުޅުނު މިސްރުގެ ފޯވާޑް ފޯކައިދޫ އަށް
މުސްތަފާ ވަރަށް އަވަހަށް ފޯކައިދޫގެ ފަރިތަކުރުމުގައި ބައިވެރިވާނެ
މުސްތަފާ ސިއްދީގު
ކްލަބް އީގަލްސް އަށް ކުރިން ކުޅުނު މިސްރުގެ ފޯވާޑް މުސްތަފާ ސިއްދީގު ފޯކައިދޫ އެފްސީއަށް ބަދަލުވާން އެއްބަސްވެއްޖެއެވެ.
ބޯޅައެމްވީ އަށް ދިން އިންޓަވިއުއްގައި ފޯކައިދޫގެ މެނޭޖަރ މުހައްމަދު ރިމާޒް ވިދާޅެެފައި ވަނީ، ސިއްދީގު ވަރަށް އަވަހަށް ފޯކައިދޫގެ ފަރިތަކުރުންތަކުގައި ބައިވެރިވާނެ ކަމަށާއި، އޭނާ ރާއްޖެއަށް ގެނައުމުގެ ކަންތައް މިހާރު ކުރިޔަށްދާ ކަމަށެވެ.
ސިއްދީގު ވަނީ އީގަލްސްއާއެކު 2016 ވަނަ އަހަރުގެ ސީޒަނުގައި ޕްރެޒިޑެންޓްސް ކަޕް ކާމިޔާބުކޮށްފައެވެ. އޭނާ ވަނީ 2017 ވަނަ އަހަރުގެ ސީޒަނުގައި ވިކްޓްރީ ސްޕޯޓްސް ކްލަބަށް ވެސް ކުޅެފައެވެ.
މިހާރު އިޖިޕްޝިއަން ޕްރިމިއާ ލީގުގައި ޓީމަކާ އެކު ފަރިތަކުރަމުން އަންނަ ސިއްދީގު ފޯކައިދޫ އަށް ބަދަލުވާއިރު، މިސްރުގައި އޭނާއާ އެއްކޮށް ކުޅުނު މުހައްމަދު މުސްތަފާ ވެސް ވަނީ ފޯކައިދޫއަށް ބަދަލުވެފައެވެ.
ކުރިޔަށް އޮތް ސީޒަނަށް ތައްޔާރުވުމުގެ ގޮތުން ފޯކައިދޫ އިން އަންނަނީ ދުރާލާ ތައްޔާރުވަމުންނެވެ. އެގޮތުން އެ ޓީމުން ވަނީ ޕާކިސްތާން ގައުމީ ޓީމުގެ ވައިސް ކެޕްޓަން ސަގީބް ހަނީފް އާއި މިސްރުގެ މިޑްފިލްޑަރ ހަލީލް ޖަމާލް ވެސް އެ ޓީމަށް ގެނެސްފައެވެ.
