ޑެނޯ ބްރޭންޑްގެ ހިކި ކިރު ރާއްޖެއަށް ތައާރަފުކޮށްފި
3 މެއި 2019 | ހުކުރު 03:56މި ކިރަކީ ޑެންމާކްގެ އުފެއްދުމެއް
ޑެނޯ ހިކި ކިރު ޕެކެޓް
ޑެނޯ ބްރޭންޑްގެ ހިކި ކިރު ޔޫރޯ ސްޓޯރުން ރާއްޖެއަށް ތައާރަފުކޮށްފިއެވެ.
މި ޕްރޮޑަކްޓް ތައާރަފުކުރުމުގެ ހަފްލާ ބާއްވާފައިވަނީ ޗަންޕާ ސެންޓްރަލް ހޮޓެލްގައެވެ.
މި ޕްރޮޑަކްޓާއި ބެހޭގޮތުން ވާހަކަ ދައްކަވަމުން ޔޫރޯގެ މާކެޓިންގ މެނޭޖަރު މުހައްމަދު ނަސީރު ވިދާޅުވީ މި ޕްރޮޑަކްޓަކީ ކޮލެޓީ ރަނގަޅު ޕްރޮޑަކްޓެއް ކަމަށާއި މި ޕްރޮޑަކްޓް ތައާރަފުކޮށްފައިވަނީ ކަސްޓަމަރުންގެ އެދުމުގެ މަތިން ކަމަށެވެ.
ޔޫރޯ ސްޓޯރުގެ ފަރާތުން ތައާރަފުކޮށްފައިވަނީ ޑެނޯ ހިކި ކިރުގެ 400 ގްރާމް، 900 ގްރާމްގެ އިތުރުން 2.25 ކިލޯގެ ޕެކެޓްތަކެވެ. އަދި ކުރިއަތް އޮތް ތާނގައި މި ބްރޭންޑްގެ ހިކި ކިރު ދަޅު ތައާރަފު ކުރުމަށް ނިންމާފައިވާ ކަމަށް ވެސް ޔޫރޯ ސްޓޯރުން ބުނެއެވެ.
ޑެނޯ ހިކި ކިރުގެ 400 ގްރާމް ޕެކެޓެއްގެ ރީޓެއިލް އަގަކީ 48ރއެވެ. އަދި 900 ގްރާމްގެ ޕެކެޓެއް އަގު 98ރ ލިބޭއިރު 2.25 ކިލޯގެ ޕެކެޓެއްގެ އަގަކީ 245ރ އެވެ.
ޑެނޯ އަކީ ޔޫރޯ އިން މިހާރު ވެސް ރާއްޖެ އެތެރެކޮށް ވިއްކާ އާލާ ބްރޭންޑުގެ ސަބް ބްރޭންޑެކެވެ.
ޔޫރޯ ސްޓޯރަކީ ރާއްޖެއަށް ތަފާތު ޕްރޮޑަކްޓްތައް ތައާރަފުކޮށް، އާންމުންގެ މަޤުބޫލުކަން ހޯދަމުން އަންނަ ސްޓޯރެކެވެ.
