ޕީއެންސީގެ 4 ނައިބް ރައީސުންގެ މަސްހޫލިއްޔަތު ކަނޑައަޅައިފި
މަސްހޫލިއްޔަތު ކަނޑައަޅާފައިވަނީ އާދިއްތަ ދުވަހު ބޭއްވި އެ ޕާޓީގެ ފުރަތަމަ މަޝްވަރާ މަޖިލީސްގައި
ޕީއެންސީގެ ބައެއް އިސްބޭފުޅުން
ޕީޕަލްސް ނޭޝަނަލް ކޮންގްރެސް (ޕީއެންސީ)ގެ ހަތަރު ނައިބް ރައީސުންގެ މަސްއޫލިއްޔަތު ކަނޑައަޅައިފި އެވެ.
ޕީއެންސީގެ ހަތަރު ނައިބް ރައީސުންގެ މަސްއޫލިއްޔަތު ކަނޑައަޅާފައިވަނީ އާދިއްތަ ދުވަހު ބޭއްވި އެ ޕާޓީގެ ފުރަތަމަ މަޝްވަރާ މަޖިލީހުގެ ބައްދަލުވުމުގަ އެވެ. ޕާޓީގެ ނައިބް ރައީސްގެ މަސްއޫލިއްޔަތު ފުށުނާރާ ގޮތަށް ކަނޑައަޅުމަށް ފަހު، ކުރީގެ އިކޮނޮމިކް މިނިސްޓަރު މުހައްމަދު ސައީދުއާ ހަވާލުކޮށްފައިވަނީ އެޑްމިނިސްޓްރޭޝަން އެންޑް ފައިނޭސްގެ ބައެވެ. ވިލިމާލޭ ދާއިރާގެ މެމްބަރުގެ ގޮތުގައި ހުންނެވި އަހްމަދު ނިހާން ހުސައިން މަނިކާއި ޕަބްލިކް ރިލޭޝަންޝް، މީޑިއާ އަދި މެންބަރޝިޕްގެ ކަންތައްތައް ހަވާލުކޮށްފައިވާއިރު، ޔޫތު އެފެއާޒް އެންޑް އިވެންޓްސް ހަވާލުކޮށްފައިވަނީ އިބްރާހީމް ޝުޖާއުއަށެވެ. މުހައްމަދު ހުސެއިން ޝަރީފާ ހަވާލުކޮށްފަިއވަނީ ފޮރިން އެފެއާޒް އެންޑް ރިސާޗްގެ ބައެވެ. އަދި ނައިބް ރައީސް ފެންވަރުގައި ޕާލިމެންޓްރީ ގުރޫޕްގެ ލީޑަރުކަމަށް އިންތިހާބުވި އާދަމް ޝަރީފާއި ހަވާލުކުރައްވާފައި ވަނީ ޕީޖީ ލީޑަރުކަމުގެ އިތުރުން ޤާނޫނީ މަސައްކަތްތަކެވެ.
ކައުންސިލްގެ އެ ބައްދަލުވުމުގައި ވަނީ ސެކްރެޓަރީ ޖެނެރަލް (އެސްޖީ)ގެ މަޤާމަށް ގީލާ އަލީ އައްޔަންކޮށްފަ އެވެ.
