ޕާކިސްތާނުގެ މުސްލިމުން ކްރައިސްޓްޗަރޗްގެ މިސްކިތުގެ ބައްޓަމަށް އެއްވެއްޖެ
13 އެޕްރީލު 2019 | ހޮނިހިރު 07:23ހަމަލާގައި ބައިވެރިވެފައިވަނީ އެންމެ މީހެއް
ކްރައިސްޓްޗަރޗްގެ ދެ މިސްކިތެއްގައި ހަމަލާ ދީފައިވަނީ މާރޗް މަހުގެ 15 ވަނަ ދުވަހު ދުވަހު
ނިއު ޒީލޭންޑްގެ ކްރައިސްޓްޗަރޗްގައި ބަޑިން ހަމަލާދީ 50 މީހުން މަރާލެވުނު އަލް ނޫރު މިސްކިތުގެ ބައްޓަމަށް ޕާކިސްތާނުގެ ޖަންގްގެ ރައްޔިތުންތަކެއް ހުދު ހެދުމުގައި އެއްވެއްޖެއެވެ.
ޕާކިސްތާނުގެ ސަގާފީ ހެދުމެއް ކަމަށްވާ ޝަލްވާރް ކަމީޒްގައި ތޮފި އަޅައިގެން އެއްވި މީހުން މިސްކިތުގެ ބައްޓަމަށް އެތުރިލައިގެން ތިބި އިރު ދެވަނަ ގްރޫޕެއް ވަނީ "އިސްލާމް އިޒް ޕީސް" ލިޔެވިފައިވާ ބައްޓަމަށް އެތުރިފައެވެ.
މީގެ އިތުރުން ޕާކިސްތާނާއި ނިއު ޒީލޭންޑްގެ ބޮޑު ދިދައެއް ގެންގުޅެފައިވާއިރު "ކްރައިސްޓްޗަރޗްގެ ޝަހީދުންނާ އެކުގައި" ކަމަށް ލިޔެފައިވެއެވެ.
މި ހަރަކާތް އިންތިޒާމް ކޮށްފައި ވަނީ އިސްލާމީ ދުނޔޭގައި ސުލްހަ އާއި ހަމަޖެހުން އިތުރުކުރުމަށް މަސައްކަތްކުރާ އަމިއްލަ ޖަމާއަތެއް ކަމަށްވާ މުސްލިމް އިންސްޓިޓިއުޓްއިންނެވެ.
މާރޗް މަހުގެ 15 ވަނަ ދުވަހު ދެ މިސްކިތެއްގައި ދިން ހަމަލާގައި މަރުވި މީހުންގެ އަދަދު 50 އަށް އަރައެވެ.
ހަމަލާދިންކަމުގެ ތުހުމަތުގައި އޮސްޓްރޭލިޔާގެ ރައްޔިތެއް ކަމުގައިވާ ބްރެންޓަން ޓަރަންޓް ނަމަކަށް ކިޔާ މީހަކު ހަމަލާދިން ސަރަހައްދުން ހައްޔަރުކުރުމަށް ފަހު މިހާރު ވަނީ މީހުން މެރުމުގެ ފަންސާސް ދައުވާއެއް އޭނާގެ މައްޗަށް އުފުލާފައެވެ.
