އިންޑިއާގެ އާންމު އިންތިހާބުގެ ވޯޓުލުން ފަށަނީ
10 އެޕްރީލު 2019 | ބުދަ 21:11އިންތިހާބު ބީޖޭޕީން ކާމިޔާބު ކުރެވޭނެ ކަމަށް ވަނީ ބެލެވިފައި
އިންޑިއާގައި އޮތް ކެމްޕެއިން ރެލީއެއްގެ ތެރެއިން
އިންޑިއާގެ ގާނޫނު ހަދާ މަޖިލީހުގެ ތިރިގޭގައި ތިއްބަވާނެ މެމްބަރުން ހޮވަން ބާއްވާ އިންޑިއާގެ އާންމު އިންތިހާބުގެ ވޯޓުލުން ބުރާސްފަތި ދުވަހު ފެށިގެން ކުރިއަށް ދާނެއެވެ.
އެއް މަސް ދުވަހަށް ވުރެ ގިނަ ދުވަހަށް ދިގުދެމިގެންދާ އިންތިހާބުގެ ވޯޓުލުން ފަށާއިރު، މި އިންތިހާބު ކާމިޔާބު ކުރާނެ ކަމަށް ބެލެވިފައިވަނީ މިހާރު ވެސް ވެރިކަން ކުރާ ބީޖޭޕީން ކަމަށް މާހިރުން ވަނީ ބުނެފައެވެ. ނަމަވެސް އެއްމެ ގާތުން ވާދަކުރާ ކޮންގްރެސް ޕާޓީން ކުރިން ފަހަރުގެ އިންތިހާބުގައި ލިބުނު އަދަދަށް ވުރެ ގިނަ ގޮނޑި މިފަހަރުގެ އިންތިހާބުގައި ކާމިޔާބު ކުރާނެ ކަމަށް ވަނީ ބެލެވިފައެވެ.
އިންޑިއާގެ އިންތިހާބުގައި ވާދަކުރައްވާ ފަރާތްތަކުގެ ތެރެއިން މަޖިލީހުގެ ތިރީގެއިން އަގުލަބިއްޔަތު ލިބޭ ޕާޓީއަކުން ނުވަތަ ކޯލިޝަނަކަށް އެގައުމުގެ ބޮޑުވަޒީރު އައްޔަން ކުރިމުގެ ފުރުސަތު ލިބޭނެއެވެ.
ދުނިޔޭގެ އެއްމެ ބޮޑު ޑިމޮކްރެޓިކް ހަރަކާތް ކަމަށް ބުނާ އިންޑިއާގެ އާއްމު އިންތިހާބުގައި ވޯޓު ލުމުގެ ހައްގު 900 މިލިއަނަށް ވުރެ ގިނަ މީހުންނަށް ލިބިފައިވެއެވެ. މިފަހަރުގެ އިންތިހާބުގެ ވޯޓު ގުނަން ފަށާނީ އަންނަ މަހުގެ 23ވަނަ ދުވަހުއެވެ.
