''އަންގްރޭޒީ މީޑިއަމް''ގެ ފުރަތަމަ ފެނިލުން ދައްކާލައިފި

ބޮލީވުޑް އެކްޓަރ އިރުފާން ޚާން ވަނީ އޭނާގެ އަންނަން އޮތް ފިލްމް "އަންގްރޭޒީ މީޑިއަމް" ގެ ފުރަތަމަ ފެނިލުން ދައްކާލާފައެވެ.

މި ފިލްމަކީ މިދިޔަ އަހަރުން ފެށިގެން ކެންސަރަށް ފަރުވާ ހޯދުމަށް ފަހު އޭނާ ފުރަތަމަ މަސައްކަތް ކުރާ ފިލްމެވެ.

އިރުފާން އޭނާގެ އިންސްޓަގްރާމްގައި ހިއްސާކޮށްފައިވާ ފޮޓޯގައި އިރުފާން ފެނިގެންދަނީ ހަލުވާ ފިހާރަގެ ވެރިއަކަށް ހުއްޓައެވެ. ފިހާރަ ދޮރުމަތީގައި ވަރަށް ގޮތުގައި އޭނާ ހުއްޓިލައިގެން ހުރިއިރު އޭނާ ލާފައިވަނީ ރީނދޫ ކުލައިގެ ކުރުތާއަކާއި ފިޔާތޮށިކުލައިގެ ފަޓުލޫނެކެވެ.

މި ފިލްމްގައި އިރުފާންއާ އެކު ފެނިގެންދާނީ ކަރީނާ ކަޕޫރު އަދި ރާދިކާ މާދަންއެވެ.

ރާދިކާ ފެނިގެންދާނީ އިރުފާންގެ ދަރިއެއްގެ ރޯލުންނެވެ.

"އަންގްރޭޒީ މީޑިއަމް" އަކީ 2017 ވަނަ އަހަރު ރިލީޒްކުރި ފިލްމް "ހިންދީ މީޑިއަމް" ގެ ސީކުއެލްއެވެ.

ހިންދީ މީޑިއަމްގައި އިރުފާން ކުޅެފައިވަނީ ދިއްލީގެ މުއްސަނދި ވިޔަފާރިވެރިއެއްގެ ރޯލެވެ.