ވޯޓް ލުން ކުރިއަށް ދާނީ އެގައުމުގެ ގަޑިން 5:30އާ ހަމައަށް
ރާއްޖޭގައި ވޯޓްލުން ކުރިއަށްދަނީ
ކުރިއަށް އޮތް19 ވަނަ ރައްޔިތުންގެ މަޖިލީހުގެ އިންތިޚާބުގެ ވޯޓް ލުން އިނގިރޭސި ވިލާތުގައި ފަށައިފިއެވެ.
އިލެކްޝަންސް ކޮމިޝަނުން ބުނީ އިނގިރޭސި ވިލާތުގައި ވޯޓްލުން ފަށާފައި ވަނީ ރާއްޖޭ ގަޑިން 1:30 ގައި ކަމަށެވެ. އެއީ އެގައުމުގެ ގަޑިން 9:30 އެވެ. އަދި ވޯޓް ލުން ކުރިއަށް ދާނީ އެގައުމުގެ ގަޑިން 5:30އާ ހަމައަށެވެ. އެއީ ރާއްޖެ ގަޑިން ރޭގަނޑު 9:30 ހާއި ހަމައަށެވެ.
އިނގިރޭސި ވިލާތުގައި ވޯޓް ލުން ފެށުމާ އެކު މި އިންތިޚާބުގެ ހުރިހާ ވޯޓް ފޮއްޓެއްގެ ވޯޓްލުން ފެށިފައިވާ ކަމަށް އީސީން މައުލޫމާތު ދެއެވެ.
އިނގިރޭސި ވިލާތުގެ އިތުރުން ރާއްޖެ އިން ބޭރުގައި ވޯޓް ފޮށި ބަހައްޓާފައި ވަނީ އަވަށްޓެރި އިންޑިއާ، ސްރީލަންކާ އަދި މެލޭޝިޔާގައެވެ.
އިންޑިއާ އަދި ސްރީލަންކާގައި ވޯޓްލުން ކުރިއަށްދާނީ އެ ގައުމުގެ ގަޑިން ހެނދުނު 08:30 އިން ހަވީރު 4:30 އަށެވެ. މެލޭޝިޔާގައި ވޯޓުލުން ކުރިއަށްދާނީ އެ ގައުމުގެ ގަޑިން 11:00 އިން ރޭގަނޑު 7:00އަށެވެ.
