ތިރީސް އަހަރު ފަހުން ކަޒަކިސްތާނުގައި އާ ވެރިކަމެއް
21 މާރިޗު 2019 | ބުރާސްފަތި 05:41ކުރީގެ ރައީސް ރައީސް ނޫރުސުލްތާން އިސްތިއުފާ ދެއްވީ އަންގާރަ ދުވަހު
ކަސީމް ޖޯމާޓް ޓޮކަޔެވް
ކަޒަކިސްތާނުގެ ރައީސް ނޫރުސުލްތާން ނަޒަރުބަޔެވް އެގައުމުގެ ރައީސް ކަމުން އިސްތިއުފާ ދެއްވުމާއި ގުޅިގެން އެގައުމުގެ ރައީސް ކަމަށް ކަސީމް ޖޯމާޓް ޓޮކަޔެވް ހަމަޖައްސައިފިއެވެ.
ޓޮކަޔެވް ރައީސް ކަމުގެ ހުވާ ކުރެއްވީ ބުދަ ދުވަހުއެވެ.
ކުރީގެ ރައީސް ރައީސް ނޫރުސުލްތާން އަންގާރަ ދުވަހު އިސްތިއުފާ ދެއްވީ ޓީވީ މެދުވެރިކޮށެވެ.
އެމަނިކުފާނު ދެއްވި ހިތާބެއްގައި 78 އަހަރުގެ ނޫރުއްސުލްތާން ވަނީ ވެރިކަމުން އިސްތިއުފާ ދެއްވަން ނިންމަވާފައިވާ ކަމަށާއިއަންނަ އަހަރު އެގައުމުގައި އާ ރިޔާސީ އިންތިހާބެއް ބާއްވަންދެން ވެރިކަން ކުރައްވާނީ ގައުމުގެ ގާނޫނު ހަދާ މަޖިލީހުގެ ރައީސް ކަމަށް ވިދާޅުވެފައެވެ.
އަދި އެނިންމެވުމަކީ އެހާ ފަސޭހަ ނިންމެވުމެއް ނޫންކަމަށް ވިދާޅުވިއެވެ.
އިސްތިއުފާ ދެއްވި ކަމުގައި ވިއަސް ވެރިކަންކުރާ ނޫރު އޮތާން ޕާޓީގެ ރައީސްކަމާއި، ރިޔާސީ ސަލާމަތީ މަޖިލީހުގެ ރައީސުކަމުގައި ހުންނަވާނެ ކަމަށް ވެސް ވަނީ ވިދާޅުވެފައެވެ.
