އީސަ އަކީ މަޖިލީހުގައި އިންނަން ކޮންމެހެން އަޅުގަނޑު ބޭނުންވާ އެއް ބޭފުޅެއް: ރައީސް
17 މާރިޗު 2019 | އާދީއްތަ 12:50އީސަ އަކީ އިސްލާހީ މަސައްކަތުގައި އަބަދުވެސް ދެގޮތެއް ނުވެ ހުންނެވި ބޭފުޅެއް ކަމަށް ވިދާޅުވި
ކެނދިކުޅުދޫ ދާރާގެ ކުރީގެ މެންބަރު އަހުމަދު އީސާ
19 ވަނަ ރައްޔިތުންގެ މަޖިލީހަށް ކެނދިކުޅުދާ ދާއިރާއަށް އެމްޑީޕީގެ ޓިކެޓްގައި ވާދަ ކުރައްވާ އަހުމަދު އީސާ އަކީ މަޖިލީހުގައި އިންނަން ކޮންމެހެން ބޭނުންވާ ބޭފުޅެއް ކަމަށް ރައީސުލް ޖުމްހޫރިއްޔާ އިބްރާހިމް މުހައްމަދު ސާލިޙު ވިދާޅުވެއްޖެ އެވެ.
ނ އަތޮޅަށް ކުރައްވަމުން ގެންދަވާ ދަތުރުފުޅުގައި ކެނދިކުޅުދޫއަށް ވަޑައިގެން އެރަށު ރައްޔިތުންނާއި މުޚާތަބު ކުރައްވާ ވާހަކަފުޅު ދައްކަވަމުން ރައީސް ވިދާޅުވީ އެޖެންޑާ 19 އަދި ރިޔާސީ އިންތިޚާބުގައި ރައީސް ވެވަޑއިގެންނެވި ވައުދުތައް ތަންފީޒް ކުރުމުގައި އަހުމަދު އީސާ އަކީ ރައްޔިތުންގެ މަޖިލީހުގައި އިންނަވަން ކޮންމެހެން ބޭނުންފުޅުވެލައްވާ އެއް ބޭފުޅާ ކަމަށެވެ.
ރައީސް ވިދާޅުވީ އީސަގެ ކޮންމެ ވަގުތަކާއި ކޮންމެ ދުވަހެއް ހޭދަ ކުރައްވާނީ މި މިސައްކަތްތައް ކޮށްދެއްވުމުގައި އެހީތެރިވުމުގެ ގޮތުންކަން އެއީ އެއްވެސް ޝައްކެތް އޮތް ކަމެއް ނޫން ކަމަށެވެ.
އިސްލާހީ މަސައްކަތްތައް ފެށިފަހުން އެތައް ދުވަހެއް ވެއްޖެ ކަމަށާއި އެ އިސްލާހީ މަސައްކަތުގައި އެންމެ ކުރީ ދުވަހުން ފެށިގެން މިއަދާއި ހަމައަށް ބަދަލެއް ނުވެ ތަފާތުކަމެއް ނެތި ކުރަން ޖެހުނު ކޮންމެ ކަމެއްގައި ފަސްޖެހި ވަޑައިނުގެން އެންމެ ކުރީ ސަފުގައި އަބަދު ވެސް އީސަ ހުންނަވާ ކަން ރައީސް ވަނީ ފާހަގަ ކުރައްވާފައެވެ.
މޭޑޭގައި ލިބުނު އަނިޔާތަކަށް ފަހު ވެސް އަނެއްކާ ވެސް ނިކުމެ ވަޑައިގެން ހުންނެވީ މި އިސްލާހީ މަސައްކަތުގައި ދެގޮތެއް ނުވެ ކަމަށް ރައީސް ވިދާޅުވިއެވެ. އަދި އެކަހަލަ ކިތަންމެ ދުވަހެއް އީސަ ވަނީ ކަޑައްތު ކޮށްފައި ކަމަށް ރައީސް ވިދާޅުވިއެވެ. އަދި އެކަމަށްޓަކައި ރައީސް ވަނީ އީސަ އަށް ޝުކުރު އަދާކުރައްވާފައެވެ.
"އަޅުގަނޑު ދިޔައިން މޭޑޭގެ ބަންދުގައި ހޮސްޕިޓަލުގައި އީސަ ބާޢްވާފައި އޮތް އިރު. ހިނގައި ނުގަނެވޭ. މައިބަދަ އޮތީ ގުޑާފައި. އެވަރުން ވެސް ބިޑިއެއް ނައްޓާލިއްޔަކީއެއް ނޫން. އެހާލުގައި އެތައް ދުވަހެއްވުމަށް ފަހުގައި އެހާލުގައި އެތައް ދުވަހެއް ފަހުގައި އިރާދަކުރެއްވީތީ އަނެއްކާވެސް އެތައް އެތައް ބޭސްފަރުވާއަކަށް ފަހުގައި ނިކުވެ ވަޑައިގެން އަދިވެސް ފަސްޖެހިވެޑައި ނުގެން އެހުންނެވީ އަޅުގަނޑުމެންގެ މި އިސްލާހީ މަސައްކަތުގައި" ރައީސް ވިދާޅުވިއެވެ.
ތަރައްގީގެ މަޝްރޫއު ތަކާއި ރައްޔިތުންނަށް ވެފައިވާ ވައުދުތައް ފުއްދޭނީ މި ވައުދުތަކަށް ތާއީދު ކުރާ އަދި މި ވައުދުތައް ގަބޫލުކުރާ އަގުލަބިއްޔަތެއް ރައްޔިތުންގެ މަޖިލީހުގައި އޮވެގެން ކަމަށް ރައީސް ވިދާޅުވިއެވެ.
17 ވަނަ ރައްޔިތުންގެ މަޖިލީހުގައި ވެސް ކެނދިކުޅުދޫ ދާއިރާގެ މެންބަރުކަން ކުރައްވަފައިވާ އަދި އަދި 19 ވަނަ ރައްޔިތުންގެ މަޖިލީހަށް ވެސް ކެނދިކުޅުދޫ ދާއިރާއަށް އެމްޑީޕީން ކުރިމަތި ލައްވައިގެން ހުންނެވި އަހުމަދު އީސާއަކީ ހިތުގެ އަޑިން އެކަމަށް ތާއީދު ކުރައްވާ ބޭފުޅެއް ކަމަށް ރައީސް ވިދާޅުވިއެވެ.
