ބުދަ 22 މެއި 2019
03 ރޯނު
1440 ރަމަޟާން 17
ފަތިސް 04:35
އިރުއަރާ 05:51
މެންދުރު 12:07
އަސްރު 15:28
މަޣްރިބް 18:14
އިޝާ 19:31
ކުޅިވަރު - މެކްގްރެގާ

މެކްގްރެގާ ހައްޔަރުކޮށްފި

  • ގްރެގާ ހައްޔަރު ކުރީ ފޮޓޯއެއް ނަގަން ސަޕޯޓަރަކު އުޅުމުން އެ ފޯނު ހަލާކު ކޮށްލުމުން

މިއުނާ ހަސަން
@miuna_hassan

ކ. މާލެ 13 މާރޗް 2019 | ބުދަ 08:21 2,229

މެކްގްރެގާ -

މަޝްހޫރު ބޮކްސިންތެރިޔާ ކޮނާ މެކްގްރެގާ މިއާމި ޕޮލިހުން ހައްޔަރުކޮށްފިއެވެ.

މެކްގްރެގާ ހައްޔަރު ކޮށްފައިވަނީ އޭނާގެ ފޮޓޯއެއް ނަގަން ސަޕޯޓަރަކު އުޅުމުން އެ ފޯނު ހަލާކު ކޮށްލުމުން އެ މައްސަލައިގައެވެ.

އައިރިޝްއަށް އުފަން މި ބޮކްސިންތެރިޔާގެ މައްޗަށް އުފުލާފައިވަނީ ގަދަކަމުން މީހެއްގެ ފޯނު އަތުލާ އެ ފޯނު ހަލާކުކޮށްލި ކަމުގެ ދައުވާއެވެ.

ރިޕޯޓްތައް ބުނާ ގޮތުގައި، ގްރެގާ ވަނީ ސަޕޯޓަރުގެ ފޯނު އަތުލާ ފޯނު ހަލާކު ކޮށްލުމަށްފަހު އެ ފޯނު ހިފައިން ގޮސްފައެވެ. މި ހާދިސާ ރިޕޯޓް ކުރުމުން ޕޮލިހުން ވަނީ ގްރެގާ ހޯދުމަށްފަހު ހައްޔަރުކޮށްފައެވެ.

ނިމިގެންދިޔަ އަހަރު ތެރޭގައި އަލްޓިމޭޓް ފައިޓިން ޗެމްޕިއަންޝިޕް (ޔޫއެފްސީ) ގެ ބައިވެރިން ގޮވައިގެންދިޔަ ބަހަކަށް ހަމަލާ ދިނުމުން ކޯޓުންވަނީ ޖަލުހުކުމުގެ ބަދަލުގައި އޭނާގެ މައްޗަށް ފަސްދުވަހުގެ ކޮމިއުނިޓީ ސާރވިސްކުރުމަށާއި، އެންގާ މެނޭޖްމެންޓް ޓްރެއިނިންގް ހެދުމަށް އަމުރުކޮށްފައެވެ.

30 އަހަރުގެ މެކްގްރެގާ ބޮކްސިން ތަޅަންފެށީ 2008 ވަނަ އަހަރުއެވެ. ގްރެގާ ވަނީ ބެސްޓް ފައިޓަރ އެވޯރޑް 2016 ވަނަ އަހަރު ހޯދާފައެވެ.

 

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް