އާދީއްތަ 15 ޑިސެންބަރު 2019
06 މުލަ
1441 ރަބީޢުލްއާޚިރު 18
ފަތިސް 04:46
އިރުއަރާ 06:02
މެންދުރު 12:05
އަސްރު 15:25
މަޣްރިބް 17:59
އިޝާ 19:17
ކުޅިވަރު - މިޝޭލް ޕްލެޓިނީ

ޔުއެފާގެ ކުރީގެ ރައީސް ޕްލެޓިނީ ހައްޔަރުކޮށްފި

  • ޕްލެޓިނީ ހައްޔަރުކުރީ ގަތަރުގައި 2022 ވަނަ އަހަރު ވޯލްޑް ކަޕް ބާއްވަން ފުރުސަތުދިން މައްސަލައިގައި

ލީވާން އަލީ
MrLeevaan

ކ. މާލެ 18 ޖޫން 2019 | އަންގާރަ 19:28 3,079

މިޝޭލް ޕްލެޓިނީ - ރޮއިޓަރސް

ޔުއެފާގެ ކުރީގެ ރައީސް މިޝޭލް ޕްލެޓިނީ ހައްޔަރުކޮށްފިއެވެ.

ޕްލެޓިނީ ހައްޔަރުކޮށްފައިވަނީ 2022 ވަނަ އަހަރު ގަތަރުގައި ވޯލްޑްކަޕް ބާއްވަން ފުރުސަތު ދިން މައްސަލައިގައިގައި ކުރަމުންދާ ތަހުގީގަށެވެ.

ގަތަރަށް ވޯލްޑް ކަޕުގެ ބިޑު 2010 ވަނަ އަހަރު ކާމިޔާބުވި އިރު، ބޮޑެތި ކޮރަޕްޝަނުގެ އަމަލުތަކެއް ހިނގާފައިވާ ކަމަށް ގިނަ ބަޔަކު ވަނީ ތުހުމަތު ކޮށްފައެވެ.

އެގޮތުން ޕްލެޓިނީގެ މައްޗަށްވެސް ވަނީ ތުހުމަތުތަކެއް ކުރެވިފައިވާއިރު، އޭނާ ހައްޔަރުކުރީ ފްރާންސްގެ އެންޓި ކަރަޕްޝަން ފުލުހުންނެވެ. އެކަން ފްރާންސްގެ ފުލުހުންވެސް ވަނީ ކަށަވަރުކޮށްދީފައެވެ.

ވޯލްޑް ކަޕް ބޭއްވުމުގެ ފުރުސަތު ގަތަރަށް ދޭން 2010 ވަނަ އަހަރު ފީފާގެ އެގްޒެކެޓިވް ކޮމިޓީން ނިންމި އިރު، ޕްލެޓިނީ އަކީ އެ ކޮމިޓީގެ މެމްބަރެކެވެ. އެ ވޯޓުގެ ކުރިން އެގްޒެކެޓިވް ކޮމިޓީގެ ދެ މެމްބަރަކު ވަނީ ކަރަޕްޝަނުގެ ތުހުމަތުގައި ސަސްޕެންޑްކޮށްފަ އެވެ.

މީގެއިތުރުން ޕްލެޓިނީ މަގާމުން ވަކި ކުރުމުގެ ކުރިން 2014 ވަނަ އަހަރު ޕްލެޓިނީ ވަނީ ގަތަރުގެ ވޯލްޑް ކަޕް ބިޑުގެ ކުރިން ގަތަރުގެ ފުޓުބޯޅަ އޮފިޝަލް މުހައްމަދު ބިން ހައްމާމުއާއެކު ސިއްރު ބައްދަލުވުންތަކެއް ބޭއްވިކަމަށް އެއްބަސްވެފައެވެ.

ވޯލްޑް ކަޕް 2022 ވަނަ އަހަރު ބާއްވަން ގަތަރުގެ އިތުރުން ބިޑުކުރީ ދެކުނު ކޮރެއާ، ޖަޕާން، އޮސްޓްރޭލިއާ އަދި އެމެރިކާއިންނެވެ.

އެންމެ ފަހުން އަޕްޑޭޓް ކުރީ: 6 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް