ބޫތެފްލިކާއާ ދެކޮޅަށް މިހާތަނަށް ބޭއްވި އެންމެ ބޮޑު އެއްވުން ބާއްވައިފި

އަލްޖީރިއާގެ ރައީސް އަބްދުލް އަޒީޒް ބޫތެފްލިކާއާ ދެކޮޅަށް މިހާތަނަށް އެ ގައުމުގައި ބޭއްވި އެންމެ ބޮޑު އެއްވުން ވެރި އަލްޖިއަރސްއާއި އެހެނިހެން ސިޓީތަކުގައި ކުރިޔަށް ގެންގޮސްފިއެވެ.

ރިޔާސީ ގަނޑުވަރާާ ދިމާލަށް ދެވެން އޮންނަ މަގުތަކުން މުޒާހިރީން ދިޔަ ނުދިނުމަށް ރަަޔަޓް ފުލުހުންވަނީ ކަރުނަގޭސް ބޭނުންކޮށްފައެވެ. ނަމަވެސް މުޒާހަރާ ފެނިގެން ގޮސްފައިވަނީ ސުލްހަވެރިކޮށެވެ.

އެ ގައުމުގެ މީޑިއާތަކުން ބުނާ ގޮތުގައި ސަލާމަތީ ބާރުތަކުންްވަނީ 200 އެއްހާ މީހުން ހައްޔަރު ކޮށްފައެވެ.

ރައީސް އަބްދުލްއަޒީޒް ބޫތެފްލިކާ ގެންދަވަނީ ނޭވާލާ ނިޒާމާއި ނާރުތަކުގެ އާލާސްކަންފުޅެއް ތަހައްމަލް ކުރައްވަމުންކަމަށް ސްވިޒަލޭންޑްގައި ފަރަންސޭސި ބަހުން ނެރޭ ދުވަހު ނޫހެއް ކަމަށްވާ ޓްރިބިއުން ޑި ޖެނީވްގައިބުނެފައިވެއެވެ.

ވޭތުވެދިޔަ 20 އަހަރު އަލްޖީރިއާގައި ވެރިކަން ކުރައްވާފައިވާ، އުމުރުން 82 އަހަރުގެ ބޫތެފްލިކާ، ވެރިކަމުގެ ފަސްވަނަ ދައުރަކަށް ކުރިމަތިލެއްވުމަށް ނިންމެވުމާއި ގުޅިގެން އަލްޖީރިއާގައި ފެށި މުޒާހަރާތައްދަނީ އިތުރަށް ވަރުގަދަވަމުންނެވެ.