ބަގޫޒުން އައިއެސްގެ އެތައް ސަތޭކަ ހަނގުރާމަވެރިން އަމާންދީ ހަވާލުވެއްޖެ:އެސްޑީއެފް

އައިއެސްއަށް ހަަމަލާ ދިނުމުގެ މަސައްކަތް އެމެރިކާގެ މަދަދާ އެކު ހަނގުރާމަ ކުރަމުންދާ ސީރިއަން ޑިމޮކްރެޓިކް ފޯސަސް (އެސްޑީއެފް) އެލަޔަންސުން އައިއެސްގެ އަތްދަށުގައި މިހާރު އޮތް ހަަމައެކަނި އަވަށް ؛ކަމަށްވާ އިރާގުގެ ސަރަހައްދީ ރޮނގުގެ ކައިރީގައި އޮންނަ ދީރް އައްޒޫރްގެ ބަގޫޒް އަވަށުން އައިއެސްގެ 400 ހަނގުރާމަވެރިން ހައްޔަރު ކޮށްފި ކަމަށް ކުރުދީންގެ ޖަމާއަތުގެ އަަސްކަރީ ކޮމާންޑަރު ބުނެފިއެވެ.

އެސްޑީއެފްގެ އިސް ކޮމާންޑަރ ބުދަ ދުވަހު އިތުރަށް ބުނެފައިވަނީ އިތުރު ހަނގުރާމަވެރިން އަމިއްލައަށް އެސްޑީއެފްއާ ހަވާލުވަމުންދާކަމަށެވެ.

ބަގޫޒުގައި އައެސްޢާ ދެކޮޅަށް ހަމަލާ ދޭން ފެށުމުގެ ކުރިން ޢާއްމުން ނެރެފައިވާއިރު ހަނގުރާމަވެރިންވެސް އޭގެ ތެެރެއިން ނުކުުމެގެން ގޮސްފައިވެއެވެ. ނަމަވެސް އޭގެ ތެރެއިން އަމިއްލަ އިސްނެގުމުގައި ދިޔައީ ކިހާ އަދަދެއްގެ ބައެއް ކަމެއް ސާފު ނުވާ ކަމަށް ކޮމާންޑަރ ބުންޏެވެ.

ބުދަ ދުވަހު ހަަމަލާ ބަދަލުކުރާތަން ފެނިފައި ނުވާއިރު އެއީ ރައްކާތެރި ހިސާބުތަކަށް މީހުން ދިއުމަށް ދިން ފުރުސަތެެއް ކަމަށްވަނީ ބެލެވިފައެވެ.

އެސްޑީއެފްއިން ބުނެފައިވަނީ މިއީ އައިއެސްއާ ދެކޮޅަށް އަޅާނެ ފަހު ފިޔަވަޅު ކަމަށެވެ.

ފެބްރުއަރީ މަހުގެ 20 ވަނަ ދުވަހުން ފެށިގެން ބަގޫޒުން ވަނީ 10،000 މީހުން ނުކުމެފައެވެ.

އައިއެސްއާ ދެކޮޅަށް އެމެރިކާ އިސްވެ އުފައްދާފައިވާ އަސްކަރީ ކޯލިޝަނުން ހަމަލާދޭން ފަށާފައިވަނީ 13 ޖޫން 2014 ގައެވެ.