މަސްތުވާތަކެތި އެތެރެކުރި މައްސަލައެއްގައި ފުލުހުންގެ ސިވިލް މުވައްޒަފަކު ހައްޔަރުކޮށްފި
ފުލުސްމީހާ ހައްޔަރު ކޮށްފައިވަނީ މިދިޔަ ހޯމަ ދުވަހުގެ ހެނދުނު 8:15 ގަ
މަސްތުވާ ތަކެތި ކަމަށް ޝައްކު ކުރެވޭ އެއްޗެއް އަޅާފައި ހުރި ރަބަރު ޕެކެޓް ތަކެއ
ރާއްޖެ އަށް މަސްތުވާތަކެތި އެތެރެކުރި މައްސަލައެއްގެ ތުހުމަތަށް، މޯލްޑިވްސް ޕޮލިސް ސާވިސްގައި ވަޒީފާ އަދާކުރާ މަދަނީ މުވައްޒަފަކު މިދިޔަ ހޯމަ ދުވަހު ހައްޔަރުކޮށްފި އެވެ. އޭނާ ވަނީ ވަޒީފާއިން ވެސް ސަސްޕެންޑުކޮށްފަ އެވެ.
ފުލުހުންގެ މީޑީއާ އޮފިޝަލް ވިދާޅުވީ އެ މީހާ ހައްޔަރުކުރީ، ރާއްޖެ އަށް މަސްތުވާތަކެތި އެތެރެކުރަން އުޅޭ ކަމުގެ މައުލޫމާތު ލިބިގެން ފުލުހުންނާއި ކަސްޓަމްސް ގުޅިގެން ހިންގި އޮޕަރޭޝަނެއްގަ އެވެ.
މި އޮޕަރޭޝަނެއްގައި އިތުރު ތިން މީހަކު ހައްޔަރުކޮށްފައިވާ ކަމަށާއި އެއީ އުމުރުން 29 އަހަރާއި 30 އަހަރުގެ ދެ ދިވެއްސަކާއި 26 އަހަރުގެ ބިދޭސީއެއް ކަމަށް ފުލުހުން ބުނެ އެވެ.
މީގެ ތެރެއިން، 29 އަހަރާއި 30 އަހަރުގެ ދެ ދިވެހިން ތަހުގީގަށް ހަތް ދުވަސް ވަންދެން ބަންދުގައި ބައިތިއްބުމަށް ކްރިމިނަލް ކޯޓުން އަމުރުކޮށްފައިވާ ކަމަށް ފުލުހުން ވަނީ ބުނެފައެވެ.
ބިދޭސީ މީހާގެ ބަންދުގެ މުއްދަތަށް ކްރިމިނަލް ކޯޓުން ކަނޑައެޅީ 15 ދުވަހެވެ. މަސްތުވާތަކެތި ފެނިފައިވަނީ އޭނާ ރާއްޖެ އައިއިރު ގެނައި ލަގެޖުންނެވެ.
