އެމްބީއޭ ޗެމްޕިއްންޝިޕް: ފައިންލުގެ ދެވަނަ ޖާގަ ރެޕްޓާރސް ކަށަވަރުކޮށްފި

އެމްބީއޭ ޗެމްޕިއަންޝިޕް ފައިނަލުން ޖާގައެއް ރެޕްޓާރސް ބީސީ ކަށަވަރުކޮށްފިއެވެ.

ރެޕްޓާރސް ފައިނަލުން ޖާގައެއް ކަށަވަރުކުރީ ސްޓިންޖާރސް ބީސީ އާއި ވާދަކޮށް ސެމީ ފައިނަލް މެޗު ކާމިޔާބުކޮށްގެންނެވެ.

މި މެޗު ރެޕްޓާރސް ކާމިޔާބުކުރީ 89 ޕޮއިންޓް، 86 ޕޮއިންޓުންނެވެ.

ވާދަވެރި ކުޅުމެއް ދެ ޓީމުގެ ފަރާތުން ފެނިގެންދިޔަ މި މެޗުގެ ފުރަތަމަ ކުއާޓާގައި ރެޕްޓާރސް ބީސީން ކާމިޔާބުކުރީ 24 ޕޮއިންޓް ކާމިޔާބު މި ކޮށްގެންނެވެ. މި ކުއާޓާގައި ސްޓިންޖާރސް ބީސީއަށް ކާމިޔާބުކުރެވުނީ 17 ޕޮއިންޓެވެ.

މެޗު ފެށިގެން ދާދި އެއްވަރެއްގެ ކުޅުމެއް ދެ ޓީމުގެ ފަރާތުން ފެނިގެންދިޔައިރު މެޗުގެ ދެވަނަ ކުއާޓާގައި ފަރަގު ކުޑަކުރަން ސްޓިންޖާރސް އިން މަސައްކަތް ކުރިއެވެ. މި ކުއާޓާގައި ރެޕްޓާރސް ވަނީ 20 ޕޮއިންޓް ކާމިޔާބު ކޮށްފައެވެ. ސްޓިންޖާރސް އަށް ކާމިޔާބުކުރެވުނީ 19 ޕޮއިންޓެވެ.

ތިން ވަނަ ކުއާޓާގައި ރެޕްޓރސް ބީސީ 19 ޕޮއިންޓް ކާމިޔާބު ކުރިއިރު، ސްޓިންޖާރސް ބީސީއަށް ކާމިޔާބުކުރެވުނީ 16 ޕޮއިންޓެވެ.

ރަނގަޅަށް ކުޅެމުން އައި ސްޓިންޖާރސް ބީސީއަށް ހަތަރު ވަނަ ކުއާޓާގައި ހެދުނު ގޯސްތަކުގެ ސަބަބުން އެ ޓީމުގެ ޑިފެންސްލަ އިން ފޫ އަޅުވާލާ، ސްޓިންޖާރސް ވަނީ ފުލުފުލުގައި ސްކޯކޮށްފައެވެ. ނަތީޖާއެއްގެ ގޮތުން ހަތަރު ވަނަ ކުއާޓާގައި މި ކުއާޓާގައި 24 ޕޮއިންޓް ހޯދައި، ސްޓިންޖާރސް އިން ވަނީ ނަތީޖާ ހަމަހަމަ ކޮށްފައެވެ.

މެޗުގެ ފުރިހަމަ ވަގުތު ހަމަވިއިރު 76-76 އަކުން ދެ ޓީމު އެއްވަރުވުމުން ނަތީޖާ ނެރެން ޖެހުނީ އިތުރު ވަގުތު ކުޅެގެންނެވެ. މި ވަގުތު ކޮޅު ތެރޭ ރެޕްޓާރސް ބީސީ ވަނީ 13 ޕޮއިންޓް ކާމިޔާބުކޮށްފައެވެ. ސްޓިންޖާރސް އަށް ކާމިޔާބުކުރެވުނީ 10 ޕޮއިންޓެވެ.

މެޗު ނިމުނު އިރު ނަތީޖާއަކީ ރެޕްޓާރސް ބީސީ 89، ސްޓިންޖާރސް ބީސީ 86 ކެވެ.

މެޗުގެ މޮޅު ކުޅުންތެރިއަށް ހޮވުނީ ސްޓިންޖާރސް ބީސީގެ މުހައްމަދު ސަމޫހުއެވެ.

ފައިނަލުގައި ރެޕްޓާރސް ވާދަކުރަން ޖެހޭނީ ކިންގްސް ބީސީއާއެވެ.