ރިޔާދް ޓްރެވެލް ފެއަރގައި މަޓާޓޯ އިން ބައިވެރިވަނީ
ފެއަރ އޮންނާނީ 28 މާރޗް އިން 30 އަށް
ރިޔާދް ޓްރެވެލް ފެއަރގެ ތެރެއިން 2017 ވަނަ އަހަރު
ރިޔާދް ޓްރެވެލް ފެއަރ 2019 ގައި މޯލްޑިވްސް އެސޯސިއޭޝަން އޮފް ޓްރެވެލް އެޖެންޓްސް އެންޑް ޓުއަރ އޮޕަރޭޓާޒް އިން ބައިވެރިވާން ނިންމައިފިއެވެ.
ކުރިން މި ފެއަރ މާރޗް މަހުގެ 20 އިން 22 ބޭއްވުމަށް ނިންމާފައިވީ ނަމަވެސް ފެއަރ އިންތިޒާމްކުރާ ފަރާތަކުން ވަނީ ފެއަރ ބާއްވާ ތާރީހު ލަސް ކޮށްފައެވެ. މި ފެއަރ މިހާރު ކުރިއަށް ގެންދިޔުމަށް ހަމަޖެހިފައިވަނީ ސައުދީ އަރަބިއްޔާގެ ވެރިރަށް ރިޔާދްގެ ފައިސަލިއަޙް ޓަވަރ ހޮޓެލްގައި 28 މާރޗް އިން 30 މާރޗްއަށެވެ.
މިފަދަ ފެއަރއެއްގައި ބައިވެރިވުމުގެ އެންމެ ބޮޑު މަޤްޞަދަކީ ރާއްޖޭގެ ފަތުރުވެރިކަން އިތުރަށް ކުރިއަރުވާ ތަރައްޤީ ކުރުމަށްވާއިރު ރިޔާދް ފެއަރއަކީ މެދު އިރުމަތީގައި ބާއްވާ އެންމެ ބޮޑު އެއް ފެއަރ އެވެ.
މިފެއަރގެ ޒަރީއާއިން ފަތުރުވެރިކަމުގެ ދާއިރާގައި ހަރަކާތްތެރިވާ ފަރާތްތައް އެއްތަނަކުން ބައްދަލުވެ މަޝްވަރާތައް ކުރެވި، މިދާއިރާއާ ގުޅުން ހުރި މުހިންމު މައުލޫމާތު ދިނުމުގެ ބައްދަލުވުންތަކާއި ހަރަކާތްތައް ބާއްވާނެއެވެ. ފަތުރުވެރިކަމުގެ ދާއިރާއިން ރާއްޖޭގައި ހުރި އިންވެސްޓްމަންޓްގެ ފުރުޞަތުތަކާއި ގުޅޭ ގޮތުން ވެސް ފެއަރގެ ތެރެއިން މައުލޫމާތު ހިއްސާ ކުރެވިގެންދާނެއެވެ.
ރާއްޖޭގެ ފަތުރުވެރިކަމުގެ ދާއިރާގައި މަސައްކަތްކުރާ ފަރާތްތަކަށް މި ފެއަރ ގައި ބައިވެރިވުމުގެ ފުރުސަތު މަޓާޓޯ އިން ވަނީ ހުޅުވާލާފައެވެ.
