އިންތިޚާބަށް ކުރިމަތިލީ 403 ކެންޑިޑޭޓުން
22 ފެބުރުއަރީ 2019 | ހުކުރު 04:01ނަން ތަރުތީބު ކުރުން 27 ފެބްރުއަރީގައި އޮންނާނެ
އިލެކްޝަންސް ކޮމިޝަނަށް އެމްޑީޕީން ފޯމު ހުށަހެޅި ރަސްމިއްޔާތުގެ ތެރެއިން
އަންނަ އެޕްރީލް މަހުގެ ހަ ވަނަ ދުވަހު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިޚާބުގައި ކުރިމަތިލާފައިވަނީ 403 ކެންޑިޑޭޓުންކަމަށް އިލެކްޝަންސް ކަމިޝަނުން ބުނެފިއެވެ.
މަޖިލިސް އިންތިޚާބުގައި ވާދަކުރާ ކެންޑިޑޭޓުން ކެންޑިޑެސީ ފޯމު ހުށައެޅުމުގެ އެންމެ ފަހު ތާރީޚަކަށް އެކަމިޝަނުން ކަނޑައެޅީ ބުރާސްފަތި ދުވަހުގެ 4:00 އެވެ.
އިންތިހާބުގައި ވާދަ ކުރަން ހުށަހެޅި ކެންޑިޑޭޓުންގެ ނަންތައް ތަރުތީބު ކުރުމަށް ގުރުއަތު ނެގުން އޮތީ އަންނަ ބުދަ ދުވަހު ކަމަށެވެ. މިފަހަރުގެ އިންތިޚާބުގައި ވޯޓު ލުމުގެ ހައްގު ވަނީ 264،589 މީހުންނަށް ލިބިފައިވެއެވެ.
މަޖިލިސް އިންތިޚާބުގައި ވޯޓުލުމަށް ރީރެޖިސްޓްރޭޝަނަށް މިހާރު ވަނީ ހުޅުވާލާފައެވެ. ނަމަވެސް ނިމިދިޔަ ރިޔާސީ އިންތިހާބުގައި އެ މީހަކު ވޯޓްލީ ތަން ބަދަލު ނުވާނަމަ މި ފަހަރުގެ އިންތިހާބަށް ރީރެޖިސްޓްރީވާން ނުޖެހޭނެއެވެ.
