އަހަރެންގެ ގައުމާއި ނުބެހޭތި: އިމްރާން ޚާން
20 ފެބުރުއަރީ 2019 | ބުދަ 13:25އިންޑިއާ އިން ހަމަލާތައް ދޭން ފަށައިފި ނަމަ ރައްދު ދޭނެ ކަމަށް އިމްރާން ވިދާޅުވި
ޕާކިސްތާނުގެ ބޮޑު ވަޒީރު އިމްރާން ޙާން
ޕާކިސްތާނުގެ ހާރިޖީ ކަންތައްތަކަށް އިންޑިއާއިން ނުވަނުމަށް ވިދާޅުވެ، ބޮޑު ވަޒީރު އިމްރާން ޚާން އިންޑިއާ އަށް އިންޒާރުދެއްވައިފިއެވެ.
އިމްރާން ޙާން މިހެން ވިދާޅުވީ، އެމަނިކުފާނުގެ އޮފިޝަލް ފޭސްބުކް ޕޭޖްގައި އަންގާރަ ދުވަހު ކުރި ޕޯސްޓެއްގައެވެ. ފޭސްބުކް ގައި ފޮޓޯއެއް އަޕްލޯޑް ކުރުމަށް ފަހު ލިޔުއްވީ މެސެޖްގައި ވަނީ ، އިންޑިއާ ދެކޮޅަށް ހަނގުރާމަ ފަށަން ފަސޭހާ ވާނެ ކަމަށާއި، ނަމަވެސް ހަނގުރާމަ ހުއްޓާލަން އުނދަގޫ ވާނެ ކަމަށް ވިދާޅުވެފައެވެ.
އިމްރާން ޙާން ލިޔުއްވާފައިވާ މެސެޖް
އަދި މީގެ އިތުރުން ޕާކިސްތާނާ ދެކޮޅަށް އިންޑިއާ އިން ހަމަލާތައް ދޭން ފަށައިފިނަމަ ޕާކިސްތަނުން ދެވަނަ ވިސްނުމަކަށް ނުގޮސް ބަދަލުގައި ހަމަލާތައް ބަދަލު ކުރަން ފަށާނެ ކަމަށް ވެސް އިމްރާން ހާންގެ މެސެޖްގައި ވަނީ ވިދާޅުވެފައެވެ.
އިންޑިއާ އާއި ޕާކިސްތާނާ ދެމެދު އޮންނަ ގުޅުން ހީނަރުވެފައި މިވަނީ އިންޑިއާގެ ޕެރެމިލިޓަރީ ފުލުހުންނަށް އަމާޒު ކޮށް ދިން ހަމަލާއި ގުޅިގެންނެވެ. އެ ހަމަލާގައި ފުލުހުންގެ 42 މީހަކު ވަނީ މަރާލާފައެވެ. ހަމަލާގެ ޒިންމާ ނަގާފައި ވަނީ ޕާކިސްތާނުގެ ޖައޭޝް-އީ-މުހައްމަދު ކިޔާ ހަނގުރާމަވެރި ޖަމާއަތުންނެވެ.
މި ޖަމާއަތުން ވަނީ މީގެ ކުރިން ޕާކިސްތާނުގެ އިތުރުން އިންޑިއާގެ އެކި ސަރަހައްދު ތަކަށް ހަމަލާތަކެއްދީފައެވެ.
ޖައޭޝް-އީ މުހައްމަދު ޖަމާއަތަކީ ޕާކިސްތާން ، ރަޝިއާ، އޮސްޓްރޭލިއާ، ކެނެޑާ، އިންޑިއާ، ކެނެޑާ، ޔޫއޭޢީގެ އިތުރުން އިނގިރޭސިވިލާތުން ޓެރަރިސްޓް ޖަމާއަތެއްގެ ގޮތުގައި ކަނޑައަޅާފައިވާ ޖަމާއަތެކެވެ.
އިމްރާން ހާން މިހެން ވިދާޅުވެފައިވާއިރު، ޕާކިސްތާނާއެކު އިތުރަށް މަޝްވަރާ ކުރަން ނުޖެހޭނެ ކަމަށާއި، ޕާކިސްތާނާއި ދެކޮޅަށް ދުނިޔެއިން ފިޔަވަޅު އަޅަން ޖެހޭނެ ކަމަށް އިންޑިއާގެ ބޮޑު ވަޒީދު ނަރެންދުރަ މޯދީ ވަނީ ދާދި ފަހުން ވިދާޅުވެފައެވެ.
ޕާކިސްތާނުގެ ފޮރިން ސެކެރެޓަރީ ތެހްމީނާ ޖަންޖުއާ ވަނީ ޕުލްވަމާއި ހަމަލާއި ގުޅިގެން އެކަމާއި ބެހޭ މައުލޫމާތު ފްރާންސްގެ ސަފީރުގެ އިތުރުން ޖަރުމަނުގެ ސަފީރު އައި ހިއްސާކޮށްފައެވެ.
އެންމެ ފަހުން ޕާކިސްތާނާއި އިންޑިއާގެ ގުޅުން ގޮސް ވެފައިވަނީ، އިންޑިއާގެ ޕަންޖާބް ސްޓޭޓް ގެ ޕަތަންކޮޓް އެއާފޯސް ސްޓޭޝަނަށް 2016 ވަނަ އަހަރު ދިން ދިން ހަމަލާއި ގުޅިގެންނެވެ. އެ ހަމާލާވެސް ދީފައި ވަނީ އިންޑިއާގެ ސިފައިންގެ ޔުނީފޯމް އަޅައިގެން ތިބި ޖައެޝް-އީ ޖަމާއަތުގެ ހަނގުރާމަވެރިންނެވެ.
އެކަމާއި ގުޅޭ ގޮތުން ދެ ގައުމުގެ ދޭތެރޭގައި މަޝްވަރާ ތަކެއް ކުރެވުނު ނަމަވެސް އެ މަޝްވަރާތައް ވެސް ނިމިގެން ދިޔައީ އެއްވެސް ކުރިއެރުމެއް ނުލިބިއެވެ.
