ނޭޝަނަލް އިންޓެގްރިޓީ ކޮމިޝަނުގެ ހުސްވެފައިވާ މެންބަރު ކަމަށް ކުރިމަތިލެއްވުމުގެ ފުރުޞަތު ހުޅުވާލައިފިއެވެ.

ރައީސުލްޖުމްހޫރިއްޔާގެ އޮފީހުން އާންމު ކޮށްފައިވާ އިއުލާނެއްގައި ބުނެފައި ވަނީ ނޭޝަނަލް އިންޓެގްރިޓީ ކޮމިޝަނުގެ މެންބަރުކަމަށް ކުރިމަތިލުމުގެ ފުރުޞަތު މިއަދުން ފެށިގެން 28 ފެބްރުއަރީ 2019 ވާ ބުރާސްފަތި ދުވަހުގެ 12:00 އަށް ހުޅުވާލާފައިވާ ކަމަށެވެ.

ނޭޝަނަލް އިންޓެގްރިޓީ ކޮމިޝަނުގެ މެންބަރުކަމަށް ކުރިމަތިލުމަށް އެދޭ ފޯމާއި، އިޤްރާރާއި، ކުށާއި ދަރަނީގެ ރެކޯޑް ފޯމާއި، ސިޔާސީ ޕާޓީއެއްގައި ރަޖިސްޓްރީ ވެފައިވޭތޯ ބެލުމަށް އިލެކްޝަންސް ކޮމިޝަނުން ސާފުކުރަންޖެހޭ ފޯމު ރައީސުލްޖުމްހޫރިއްޔާގެ އޮފީހުގެ ވެބްސައިޓުން ޑައުންލޯޑް ކުރެވޭނެ ކަމަށް ވެސް އެ އިއުލާންގައި ބުނެފައިވެއެވެ.

ނޭޝަނަލް އިންޓެގްރިޓީ ކޮމިޝަނަކީ ތަފާތު ދާއިރާތަކުގައި މަސައްކަތް ކޮށްފައިވާ ޤާބިލު ބޭފުޅުން ހިމެނޭ ގޮތަށް، 2015 ސެޕްޓެމްބަރު 6 ވަނަ ދުވަހު ކުރީގެ ރައީސް ޔާމީން ޢަބްދުލް ޤައްޔޫމް ފަސް އަހަރު ދުވަހަށް މަޖިލީހުގެ ރުހުމާ އެކު އައްޔަންކުރާ ކޮމިޝަނެކެވެ.

ނޭޝަނަލް އިންޓެގްރިޓީ ކޮމިޝަނުގެ މެންބަރުންނަކީ:

ރައީސް – އަލްފާޟިލް އަޙްމަދު ސުލައިމާނު

ނައިބު ރައީސް – އަލްއުސްތާޛް ޙައްސާން ޙަމީދު

މެންބަރ - އަލްފާޟިލް މުޙައްމަދު ފަރުޙާދު

މެންބަރ – އަލްއުސްތާޛާ ޚަދީޖާ ޢަބްދުﷲ

މެންބަރ – އަލްފާޟިލް އަޙްމަދު އަމީން.

މީގެ ތެރެއިން މެމްބަރު ފަރުހާދު ވަނީ ޖުމްހޫރީ ޕާޓީގެ ޓިކެޓުގައި އައްޑޫ މީދޫ ދާއިރާއަށް ކުރިމަތިލެއްވުމަށް މެންބަރުކަމުން އިސްތިއުފާ ދެއްވާފައެވެ.