މޯލްޑިވްސް ޕޫލް ބިލިއާޑް އެސޯސިއޭޝަންގެ ފަރާތުން އިންތިޒާމު ކޮށްގެން ބިލިއާޑް ކޯޗުންނާއި ރެފްރީން ތަމްރީނު ކުރުމުގެ ކޯސްތަކެއް ފެށިގެން ކުރިއަށް އެބަގެންދެއެވެ. 

ކޯސްތައް ކުރިއަށްދާނީ މި މަހުގެ 15 ވަނަ ދުވަހުން 18 ވަނަ ދުވަހުގެ ނިޔަލަށެވެ. 

މި ކޯސްތައް ނަންގަވައި ދެއްވަނީ އޭޝިއަން ޕޫލްބިލިއާޑް ޔޫނިއަންގެ ސްޕޯރޓްސް ޑިރެކްޓާ ކަޒޫއޯ ފުޖީމާއެވެ. 

ކޯޗުންގެ ގޮތުގައި 15 ބައިވެރިން އަދި ރެފްރީން ގޮތުގައި ތަމްރީނުވުމަށް 18 ފަރާތަކުން މި ކޯހުގައި ބައިވެރިވެފައި ވެއެވެ.

ލެވެލް ތިނެއްގެ މި ކޯސްތަކުގެ ބޭނުމަކީ ރާއްޖޭގެ ބިލިއާޑް ރެފްރީން ބައިނަލްއަގްވާމީ ފެންވަރެއްގައި ކުޅެވޭ މެޗުތަކުގައި ރެފްރީކަން ކުރުމަށް ފުރުސަތު ހޯދައި ދިނުމާއި، ރާއްޖޭގައި ވީހާ ވެސް ގިން ބިލިއާޑް ކޯޗުންނާއި ރެފްރީން އުފެއްދުން ކަމަށް އެމްޕީބީއޭގެ ޖެނެރަލް ސެކެއްޓްރީ އަހްމަދް ޝަރީފް މައުލޫމާތު ދެއްވައެވެ. 

މިފަދަ ކޯސްތަކެއް ކުރިއަށް އޮތްތާގައިވެސް ބޭއްވިގެންދާނެ ކަމަށް އަހުމަދު ޝަރީފް މައުލޫމާތު ދެއްވައެވެ.