ނެޓްބޯޅަ ކޯޗުންނާއި އަމްޕަޔަރުން އެސޯސިއޭޝަންގައި ރަޖިސްޓްރީ ވާން އަންގައިފި
8 ޖޫން 2017 | ބުރާސްފަތި 19:07އަންނަ ޖުލައި މަހުގެ 3 ވަނަ ދުވަހުގެ 14:00 ގެ ކުރިން ރެޖިސްޓްރީ ވާން އެސޯސިއޭޝަނުން އެދޭ
އިންޓާ ސްކޫލް ނެޓްބޯޅަ މުބާރާތުގެ ތެރެއިން
ނެޓްބޯޅަ ކޯޗުންނާއި އަމްޕަޔަރުން އެސޯސިއޭޝަންގައި ރަޖިސްޓްރީވާން ނެޓްބޯޅަ އެސޯސިއޭޝަން އޮފް މޯލްޑިވްސް އިން އިންގައިފިއެވެ.
ނެޓްބޯޅަ އެސޯސިއޭޝަނުން ބުރާސްފަތި ދުވަހު ނެރުނު ބަޔާނެއްގައި ބުނެފައިވަނީ، ނެޓްބޯޅަ ކޯޗުންނާއި އަމްޕަޔަރުންގެ ކަންތައްތަށް ހަރުދަނާކުރުމުގެ ގޮތުން، ކޯޗުންނާއި އަމްޕަޔަރުން އެސޯސިއޭޝަންގައި ރަޖިސްޓްރީ ވާން އަންގާ ކަމަށެވެ.
އެގޮތުން ކޯޗުކަން ކުރުމާއި އަމްޕަޔަރުކަން ކުރުމުގެ ސެޓްފިކެޓް އޮތް ފަރާތްތަކުން، އަންނަ ޖުލައި މަހުގެ 3 ވަނަ ދުވަހުގެ 14:00 ގެ ކުރިން އެއިދާރާގައި ރަޖިސްޓްރީވުމަށް އެސޯސިއޭޝަނުން ވަނީ އެދިފައެވެ.
ރަޖިސްޓްރީ ވާން އެދޭ ފޯމް، ނެޓްބޯޅަ އެސޯސިއޭޝަންގެ އިދާރާއިންނާއި، އެ އެސޯސިއޭޝަންގެ ވެބްސައިޓުންވެސް ލިބެން ހުންނާނެ ކަމަށް އެސޯސިއޭޝަނުން މައުލޫމާތު ދެއެވެ.
