ވައިކަރަދޫއަށް މިހާރުން މިހާރަށް ބޭނުންވެފައިހުރި ކަންކަމާ ބެހޭ ގޮތުން ރައީސްއާ މަޝްވަރާކޮށްފި
18 ފެބުރުއަރީ 2019 | ހޯމަ 04:17އަތޮޅު މަދަރުސާއަށް ކުރިމަތިވެފައިވާ ޖާގައިގެ ދަތިކަން ހައްލުކުރުމާއި ބެހޭ ގޮތުން މަޝްވަރާކުރެއްވި
ވައިކަރަދޫ ކައުންސިލުން ރައީސް ސޯލިހުއާ ބައްދަކުރެއްވުން
ހދ. ވައިކަރަދޫއަށް މިހާރުން މިހާރަށް ބޭނުންވެފައިހުރި ކަންކަމާ ބެހޭ ގޮތުން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުއާ މަޝްވަރާ ކުރައްވައިފިއެވެ.
ރައީސް އޮފީހުގައި ބޭއްވި ބައްދަލުވުމެއްގައި ކައުންސިލުން ރަށުގެ ތަރައްގީއަށް ރާއްވާފައިވާ މަސައްކަތްތަކާއި މިހާރު ކުރިއަށްދާ މަސައްކަތްތަކާ ބެހޭ މައުލޫމާތު ރައީސް ސޯލިހުއާ ހިއްސާކުރެއްވިއެވެ.
ރައީސް އޮފީހުން ބުނީ މިހާރުން މިހާރަށް ރަށަށް ބޭނުންވެފައިހުރި ކަންކަމާއި، ރައްޔިތުން އެންމެ ބޮޑަށް އެދޭ ކަންކަން މެންބަރުން ރައީސް ސޯލިހުއަށް ހުށަހެޅުއްވި ކަމަށެވެ.
އެގޮތުން، ހދ. އަތޮޅު މަދަރުސާއަށް ކުރިމަތިވެފައިވާ ޖާގައިގެ ދަތިކަމާއި، ނަރުދަމާގެ ނިޒާމު ގާއިމުވެފައި ނެތުމުން ކުރިމަތިވާ ދަތިތަކާއި، ރަށުގެ އިންޖީނުގެ ރަށުގެ މެދުގައި ހުރުމުން ދިމާވާ އުނދަގޫތަކާއި، ކަރަންޓަށް ދިމާވާ މައްސަލަތައް ޚާއްސަ ގޮތެއްގައި ފާހަގަ ކުރެއްވިއެވެ.
މިބައްދަލުވުމުގައި ރައީސް ސޯލިހު ވިދާޅުވީ ވައިކަރަދޫ ކައުންސިލުން އެދިވަޑައިގެންނެވި ކަންކަމުގައި ކަމާގުޅޭ މިނިސްޓްރީތަކާއެކު މަޝްވަރާކުރުމަށްފަހު އެކަންކަމަށް ޙައްލެއް ހޯއްދައިދިނުމަށް މަސައްކަތް ކޮށްދެއްވާނެ ކަމަށެވެ. އަދި މިއަހަރުގެ ބަޖެޓުގައި ހިމެނިފައިވާ މަޝްރޫއުތައް މިއަހަރުގެ ތެރޭގައި ފެށިގެން ދާނެކަމުގައިވެސް ރައީސް ސޯލިހު ވިދާޅުވިއެވެ.
