އެމްބީއޭ ޗެމްޕިއަންޝިޕްގައި ރެޕްޓޯރސް އާއި ކިންގަސް ބައްދަލުކުރި މެޗު ކިންގްސް އިން ކާމިޔާބު ކޮށްފިއެވެ. 

ސޯޝަލް ސެންޓާ އިނޑޯގައި ރޭ ކުޅުނު މެޗުގައި ކިންގްސް ބީސީ 84 ޕޮއިންޓް ހޯދި އިރު ރެޕްޓޯރސް ބީސީ އަށް ލިބުނީ 59 ޕޮއިންޓެވެ. 

މެޗު ފެށިގެން ފުރަތަމަ ކުއާޓާގައި ކިންގްސްގެ ފަރާތުން ވަރުގަދަ ކުޅުމެއް ފެނިގެން ދިޔައެވެ. ފުރަތަމަ ކުއާޓާގައި ކިންގްސް 27 ޕޮއިންޓް ކާމިޔާބު ކުރިއިރު ރެޕްޓޯރސް އަށް ކާމިޔާބު ކުރެވުނީ 14 ޕޮއިންޓެވެ. 

ދެވަނަ ކުއާޓާގައި ރެޕްޓޯރސް ކުޅުން ރަނގަޅުކޮށް ކިންގްސް ކޮޅަށް 20 ބާސްކެޓް ވެއްޓިއެވެ. ކިންގްސްއަށް ކާމިޔާބު ކުރެވުނީ 15 ޕޮއިންޓެވެ. 

ތިންވަނަ ކުއާޓާގައި ހީކުރި ވަރަށް ވުރެން ރެޕްޓޯރސްގެ ކުޅުން ދައްވެ، ލިބުނު ފުރުސަތުތަކުގެ ބޭނުން ހިފޭ ގޮތް ނުވިއެވެ. ނަތީޖާއެއްގެ ގޮތުން ކިންގްސް ޓީމުން 20 ޕޮއިންޓް ހޯދާ ލީޑް ފުޅާ ކުރިއެވެ. ރެޕްޓޯރސް އަށް ކާމިޔާބު ކުރެވުނީ ހަތް ޕޮއިންޓެވެ. 

ފަހު ކުއާޓާގައި ވާދަވެރި ކުޅުމެއް ދެ ޓީމުގެ ފަރާތުން ފެނިގެންދިޔައެވެ. 

މެޗުގެ މޮޅު ކުޅުން ތެރިޔަކަށް ހޮވުނީ ކިންގްސް އަށް 17 ޕޮއިންޓް ހޯދައިދިން އަބްދުއްލާ އަމްޒަރު މުހައްމަދެވެ. 

މި މުބާރާތުގެ މެޗުތަށް މިއަދުވެސް ސޯޝަލް އިންޑޯގައި ކުރިއަށް ދާނެއެވެ.