ވެލިދޫގައި ދެ އަންހެން ފަތުރުވެރިން ކައިވެނި ކުރި ކަމަށް ދެކެވޭ ވާހަކަ ދޮގުކޮށްފި
15 ފެބުރުއަރީ 2019 | ހުކުރު 04:16ފޮޓޯއަކީ އިންހައުސް ގެސްޓުންނަށް ޚާއްސަކުރެވިގެން ހިންގި އެންޓަޓައިނިން ޕްރޮގްރާމެއްގައި ނަގާފައިވާ ފޮޓޯއެއް
ވެލިދޫގައި ކައިވެނިކުރިކަމަށް ބުނާ ދެ ފަތުރުވެރިން
ނ. ވެލިދޫގައި ދެ އަންހެން ފަތުރުވެރިން "ރަމްޒީ ކައިވެންޏެއް" ކުރި ކަމަށް ސައްޚަ މަލޫއުލޫމާތު ނުހޯދާ "ވަގުތު އޮމްލައިން" ގައި ޝާއިއު ކުރި ކުރިން ވެލިދޫ ކައުންސިލުން ކުށްވެރިކޮށްފިއެވެ.
ބުރާސްފަތި ދުވަހު ވެލިދޫ ކައުންސިލުން ނެރެފައިވާ ބަޔާނުގައި ވަނީ އެ ކައުންސިލުން ބެލިބެލުމުން އެނގިފައިވާ ގޮތުގައި އެ ކައިވެނީގެ ފޮޓޯއަކީ ގެސްޓް ހައުސްގައި ގެސްޓުންނަށް ޚާއްސަކުރެވިގެން ހިންގި މުނިފޫހި ފިލުވުމުގެ ޕްރޮގްރާމެއްގައި ގުރުއަތުން ދިމާވި ޓާސްކް ފުރިހަމަކުރުމުގެ ގޮތުން ކަޕަލްއެއްގެ ގޮތުގައި ޑްރެސްކޮށްގެން ހިންގި މަންޒަރެއްގެ ފޮޓޯއެއް ކަމަށެވެ.
ދިވެހި، އަރަބި އަދި އެހެން ގައުމުތަކުގެ ސަޤާފަތްތަކާ ގުޅޭ ޕްރޮގްރާމްތަކާއި، އެހެން ގައުމުތަކުގެ ހެދުންތައް ދައްކުވައިދޭ ޕްރޮގްރާމްތައް އެ ގެސްޓު ހައުސިން އިން ހިންގާ ކަމަށް ބަޔާނުގައި ވެއެވެ.
ވަގުތު އޮންލައިން އިން ޝާއިޢުކުރި ފޮޓޯގަނޑަކުން މުޖްތަމައުގައި ފިތުނަ އުފެދި ފަސާދަވެ ގައުމުގެ ސުލްހަމަސްލަހަތު ގެއްލޭފަދަ ގޮތަކަށް ޚާއްސަކޮށް ވެލިދޫގެ ނަން ބޭނުންކޮށްގެން ލިޔުނުއިރު އެކައުންސިލްގެ ބަހެއް ހޯދާފައި ނުވުމާއި ކަމާއިބެހޭ ފަރާތުން ސައްޚަ މައުލޫމާތު ނުހޯދާ އެފަދަ ޚަބަރެއް ޝާއިޢު ކުރުން އެކައުންސިލުން ވަނީ ހަރުކަށި އިބާރާތުން ކުއްވެރިކޮށްފައެވެ.
