ރާއްޖެޓީވީގެ ނިއުސް ޑިރެކްޓަރު ހުޝާމްގެ ބައްޕަ ނިޔާވެއްޖެ
4 ފެބުރުއަރީ 2019 | ހޯމަ 15:21ކުޑަ ދޮންބެ ނިޔާވީ އުމުރުން 85 އަހަރުގައި
ނިއުސް ޑިރެކްޓަރު ހުޝާމް މުހައްމަދުގެ ބައްޕަ މުހައްމަދު ހުސެއިންފުޅު (ކުޑަދޮންބެ)
ރާއްޖެޓީވީގެ ނިއުސް ޑިރެކްޓަރު ހުޝާމް މުހައްމަދުގެ ބައްޕަ މުހައްމަދު ހުސެއިންފުޅު ނިޔާވެއްޖެއެވެ.
ހުޝާމްގެ ބައްޕަ ނިޔާވީ ހޯމަ ދުވަހު މެންދުގެ ވަގުތެއްގައެވެ.
ޅ.ހިންނަވަރު، ހިރިގާ, މުހައްމަދު ހުސެއިންފުޅު (ކުޑަ ދޮންބެ) ނިޔާވީ އުމުރުން 85 އަހަރުގައެވެ. މަޣްރިބް ނަމާދަށް ފަހު އާސަހަރާގައި މިހާރު ވަނީ ވަޅުލާފައެވެ.
ހިންނަވަރު ކުޑަ ދޮންބެ ނިޔާވުމާ ގުޅިގެން ކުރީގެ ރައީސް މުހައްމަދު ނަޝީދު ކުރެއްވި ޓްވީޓެއްގައި ވިދާޅުވީ އެއީ ޒަމާނުއްސުރެ ހިންނަވަރު ބޮޑު ކަތީބު ކަމަށާއި، އުމުރުން 24 ގައި ރާއްޖޭގެ އެންމެ މޮޅު ފޯވާޑް ކަމަށާއި ކުޅަދާނަ ޅެންވެރިއެއް ކަމަށެވެ.
މީގެ އިތުރުން ނަޝީދު ވިދާޅުވީ ކުޑަ ދޮންބެއަކީ މުދަރިސްއެއް ކަމަށާއި، ވަކިން ޚާއްސަކޮށް ގައުމަށް ވަފާތެރި ހިދުމަތްތެރިއެއް ކަމަށެވެ.
ނަޝީދު ޓްވީޓް ނިންމާލާފައި ވަނީ މަރްހޫމްއަށް ސުވަރުގެ މިންވަރު ކުރައްވާ އައިލާއަށް ކެތްތެރިކަން ދެއްވުމަށް އެދެމުންނެވެ.
ކުޑަ ދޮންބެއަކީ ރާއްޖޭގެ ރަސީއުލްޖުމްހޫރިއްޔާ އިބްރާހީމް މުހައްމަދު ސޯލީހުގެ ބޮޑުބޭބޭފުޅެކެވެ.
