ދަބަންގް 3 ގައިވެސް ކަރީނާގެ ލަވައެއް!
3 ފެބުރުއަރީ 2019 | އާދީއްތަ 17:59މި ލަވައަށް ވެސް ބޮޑު ތަރުހީބު ލިބޭނެ ކަމަށް ބެލެވޭ
ކަރީނާ ކަޕޫރު
ސަލްމާން ޚާން ގެ ފިލްމް "ދަބަންގް 3" ގައިވެސް ކަރީނާ ކަޕޫރުގެ ލަވައެއް ފެނިގެންދާނެ ކަމަށް ރިޕޯޓްތައް ބުނެފިއެވެ.
"ދަބަންގް 2" ގައި ކަރީނާ ކުޅެފައިވާ އައިޓަމް ލަވަ، "ފޭވިކޯލް" އަށް ބޮޑު ތަރުހީބެއް ލިބިފައިވާއިރު "ދަބަންގް 3 " ގައި ކުޅުމަށް ހަމަޖެހިފައިވާ ލަވައަށްވެސް ބޮޑު ތަރުހީބެއް ލިބޭނެ ކަމަށް ބެލެވޭކަމަށް ރިޕޯޓްތައް ބުނެއެވެ.
މި ފިލްމްގައި ލީޑް ރޯލުން ފެނިގެންދާނީ "ދަަބަންގް" އަދި "ދަބަންގް 2" ގައިވެސް ލީޑް ރޯލުން ފެނިގެންދިޔަ ސޮނާކްޝީ ސިންހާ އަދި ސަލްމާން ޚާންއެެވެ. މީގެ އިތުރުން ސުދީޕް އާއި އަރްބާޒް ޚާންވެސް މި ފިލްމްގައި ފެނިގެންދާނެއެވެ.
މި އަހަރު ރިލީޒް ކުރުމަށް ހަމަޖެހިފައިވާ މި ފިލްމް ޑައިރެކްޓް ކޮށްފައިވަނީ އިންޑިއާގެ މަޝްހޫރު ކޮރިއޯގަރްފާ ޕްރަބޫ ދޭވާއެވެ.
"ދަބަނަގް 3" ގެ އިތުރުން ކަރީނާ މިވަގުތު ދަނީ އަކްޝޭއާއެކު ކުޅުމަށް ހަމަޖެހިފައިވާ ފިލްމު "ގުޑް ނިއުސް" އަށް ތައްޔާރު ވަމުންއެވެ.
ދަބަންގްގެ ފުރަތަމަ ބައެއް 2010 ވަނަ އަހަރު ނެރެފައިވާ އިރު މިފިލްމުގެ ދަވަނަ ބައެއް ނެރެފައިވަނީ 2012 ވަނަ އަހަރުއެވެ.
