އާ އަހަރާ ދިމާކޮށް ރިއްފަތުގެ އާ ލަވައެއް ނެރެނީ

އާ އަހަރާ ދިމާކޮށް ލަވަކިޔުންތެރިޔާ މުހައްމަދު ރިއްފަތުގެ އާ ލަވައެއް ނެރުމަށް ތައްޔާރުވެއްޖެއެވެ.

ރިއްފަތު ބުނީ މި ލަވައަކީ އޭނާގެ ކުރިއަށް އޮތް އަލްބަމް "ދަލާސް" ގެ ޕްރޮމޯޝަން ލަވައެއް ކަމަށެވެ.

"މިރޭ ހާދަ ޗާލޭ" ގެ ނަމުގައި ނެރޭ މިލަވައިގެ ޓްރެއިލާ މިހާރު ވަނީ ނެރެފައެވެ.

މިލަވައިން ފެނިގެންދަނީ ރިއްފަތުގެ އިތުރުން އެކްޓަރ މަލީހާ ވަހީދު (މަލް) އެވެ. މި ލަވަ ޕްރޮޑިއުސްކޮށްފައި ވަނީ ވެސް އޭނާއެވެ.

"މިރޭ ހާދަ ޗާލޭ" އިސްމާއިލް ރަޝީދު ޑައިރެކްޓް ކޮށްފައިވާއިރު ޕޯސްޓް ޕްރޮޑަކްޝަންގައި މަސައްކަތް ކޮށްފައި ވަނީ އަހުމަދު ޒިއާއެވެ.