ތަކުރާރުކޮށް ކަރުގައި ރިއްސާނަމަ އެއީ ކެންސަރުގެ އަލާމާތެއް
3 ފެބުރުއަރީ 2019 | އާދީއްތަ 07:03ދުންފަތުގެ އިސްތިއުމާލު ކުރާ މީހުންނާއި މަސްތުވާ ތަކެތި ބޭނުންކުރާ މީހުންނަށް ކެންސަރު ޖެހުމުގެ ފުރުސަތު ބޮޑު
ކެންސަރު އުފެދެމުން އަންނަގޮތް
ތަކުރާރުކޮށް ކަރުގައި ރިއްސާ ނޭވާލާން އުނދަގޫވެ ކާއެއްޗިހި ދިރުވަން އުނދަގޫވުމާއި މިކަންތައްތަކަކީ ކެންސަރުބަލީގެ އަލާމާތް ތަކެއްކަމަށް އާ ހޯދުން ތަކުން ދައްކައިފިއެވެ.
މިފަދަ ކަންތައްތައް ގިނައިން ދިމާވާ ކަމަށް ދައްކަނީ ދުންފަތް އެކުލެވޭ އެއްޗެހި ގިނައިން ބޭނުން ކުރާ މީހުންނާއި މަސްތުވާ ތަކެތި ބޭނުންކުރާ މީހުންނަށެވެ
މިހާރަކަށް އައިސް މި ނިޝާންތައް ފެންނަ މީހުން ދަނީ ދުވަހުން ދުވަހަށް އިތުރު ވަމުންނެވެ . އެހެންނަމަވެސް ކެންސަރު ރިސާރޗް ޔޫކެސް ވިއެލިން ވޫ ވިދާޅުވީ ކަންބޮޑުވާން ނުޖެހޭ ކަމަށާއި ހަމައެކަނި ކަރުގައި ރިއްސުމުން ކެންސަރަށް ނުވާނެ ކަމަށެވެ
މި ދިރާސާގެ ސަބަބުން މިބަލީގެ ޝިކާރައަކަށްވެފައިވާ މީހުންނަށް ފަރުވާ ދިނުމަށް ފަސޭހަވެގެން ދާނެއެވެ
އިނގިރޭސި ވިލާތުގައި އަހަރަކު 2000 ވުރެން ގިނަމީހުނަށް ކަރުތެރޭގެ ކެންސަރު ޖެހެއެވެ.
ޑރ. އެލިޒަބަތު ޝެޕްހާޑް ވިދާޅުވީ ،މިދިރާސާއަކީ ކަރުތެރޭގެ ކެންސަރުގެ ހުރިހާ މުހިންމު އަލާމާތްތައް ފާހަގަ ކުރެވުނު ފުރަތަމަ ދިރާސާއެވެ.
މީގެ އިތުރުންވެސް އޭނާ ބުނެފައިވަނީ މި ބަލީގެ ނުރައްކާތެރިކަން ބޮޑީ ތަކުރާރުކޮށް ކަރުތެރޭގައި ރިއްސާ މީހުންނަށް ކަމަށާއި އަދި މި ބަލި އާންމުކޮށް ޖެހެނީ ފިރިހެނުންނަށް ކަމަށެވެ.
ކެންސަރު ބަލީގެ ކުރީކޮޅު ފަރުވާ ދެވިއްޖެނަމަ ބަލިން ރައްކާތެރިވުމުގެ ފުރުސަތުބޮޑު ކަމަށާއި ބަލީގެ ކުރީކޮޅުގައި ފަރުވާ ނުދެވިއްޖެނަމަ ކަރުތެރޭގެ ނޭވާލާ ނިޒާމް ސާޖަރީއެއް ހަދައިގެން ކެންސަރު ހުރި ބައި ނަގަންޖެހެއެވެ. އަދި ނެގުމަށްފަހު ނޭވާލުމަށާއި ވާހަކަ ދެއްކުމަށް އުނދަގޫ ތަކާ ކުރިމަތިލާން ޖެހޭއިރު ރަނގަޅަށް ވާހަކަ ނުދެއްކެވުމާއި އަޑުއަހަން ބޭނުންނަމަ އިލެކްޓްރިކަލް ޑިވައިސެއް ބޭނުންކުރަން ޖެހެއެވެ. މިބައްޔައް އާންމުކޮށް ދޭ ފަރުވާއަކީ ރޭޑިއޯތެރެޕީ، ސާރޖަރީ އަދި ސެނޮމޮތެރަޕީ އެވެ.
