މިނިސްޓްރީ އޮފް ޓްރާންސްޕޯރޓް އެންޑް ސިވިލްއޭވިއޭވިއޭޝަން އިން މަގުމަތީގެ ސަލާމަތާއި ރައްކާތެރިކަމާއި ގުޅޭގޮތުން "މީތި ސަޅި" ނަމުގައި ސައިކަލު ބުރެއް ބާއްވާ ގޮތަށް ހަމަޖައްސާފައިވާ ކަމަށް އެ އޮތޯރިޓީން  ކުރި އިއުލާނެއްގައި ބުނެފިއެވެ.

"މީތި ސަޅި"ގެ ނަމުގައިބާއްވާ މި ސައިކަލު ބުރުގެ ފުރަތަމަ ހަރަކާތެއްގެ ގޮތުގައި ކުރިއަށް ގެންދިއުމަށް ހަމަޖެހިފައިވަނީ ބޮޑުތަކުރުފާނު މަގާއި ސިނަމާލެ ބުރިޖު ގުޅޭ ހިސާބުން ގަވާއިދާއި އެއްގޮތްވާ ގޮތުގެ މަތިން ސައިކަލްތައް ހުލުމާލެ ސެންޓްރަލް ޕާކަށް ދިއުން ކަމަށާއި. އެއަށް ފަހު އިރުއޮއްސި 06:00 އާއި ހަމައަށް ސެންޓްރަލް ޕާކުގައި މަގުމަތީގެ ގަވާއިދުތަކާއި އެކްސިޑެންޓްތައް މަދުކުރުމަށް ކުރެވިދާނެ ކަންކަމާއި ބެހޭގޮތުން  އާންމުން ހޭލުންތެރި ކުރުމުގެ ހަރަކާތް ތަކެއް ވެސް ކުރިއަށް ގެންދިއުމަށް ހަމަޖެހިފައިވާ ކަމަށް އެ އޮތޯރިޓީގެ އިއުލާނުގައި ބުނެފައި ވެއެވެ.

ސައިކަލް ބުރު ބާއްވަން ހަމަޖެހިފައިވަނި  ފެބުރުއަރީމަހުގެ އެއްވަނަ ދުވަހުގެ ހަވީރު 04:00 އިން 06:00 އަށް ކަމަށް އިއުލާނުގައި ބުނެފައި ވެއެވެ.

މިހާރަކަށް އައިސް މާލޭގައި ހިނގާ ގިނަ އެކްސިޑެންޓްތަކުން ހިނގާ މީހުންގެ ފުރާނަޔަށާއި އަގުބޮޑެތި މުދަލަށް ގެއްލުންތައް ލިބެމުންދާކަން ފާހަގަ ކުރެވިފައި ވެއެވެ.

އެގޮތުން މީގެ ކުޑަދުވަސްކޮޅެއް  ކުރިން މާލޭގެ ކާރޫބާރޫ ބޮޑު މަސްމާރުކޭޓު ސަރަހައްދުގައި ހިނގި ނުރައްކާތެރި އެކްސިޑެންޓެއްގައި 17 އަހަރުގެ ކުޑަކުއްޖަކު މަރުވެފައިވާއިރު ސެނަހިޔާ ކައިރީގައި ހިނގި އެކްސިޑެންޓެއްގައި އުމުރުން 51 އަހަރުގެ ފިރިހެނަކާ 40 އަހަރުގެ އަންހެނަކަށް ބޮޑެތި ޒަޚަމްތަކެއް ލިބި އަދި ސައިކަލަށް ވެސް ގެއްލުން ތަކެއް ލިބިފައިވާ ކަމަށް ފުލުހުން ބުނެފައި ވެއެވެ.