ސްކޮޓްލޭންޑުގެ ކުރީގެ މިނިސްޓަރަކަށް ޖިންސީ ގޯނާގެ 14 ދައުވާއެއް
25 ޖެނުއަރީ 2019 | ހުކުރު 10:26ރޭޕްގެ 2 ދައުވާ މިހާރުވެސް އުފުލާފައިވޭ
އެލެކްސް ސަލްމޮންޑް
ސްކޮޓްލޭންޑުގެ ކުރީގެ މިނިސްޓަރެއް ކަމަށްވާ އެލެކްސް ސަލްމޮންޑުގެ މައްޗަށް ޖިންސީ ގޯނާގެ 14 ތުހުމަތަކާ ގުޅިގެން ދައުވާ އުފުލައިފިއެވެ.
ގަދަކަމުން ޖިންސީ ގުޅުން ހިންގަން އުޅުނު ކަމުގެ ދެ ދައުވާއެއް މިހާރުވެސް އުފުލާފައިވާ އެލެކްސްގެ މައްޗަށް ޖިންސީ ގޯނާ ކުރުމުގެ އިތުރު 12 ދައުވާއެއް އުފުލާފައިވާ ކަމަށް އެޤައުމުގެ ޕްރޮސެކިއުޓިންގ އޮފީހުން ބުނެފައިވެއެވެ.
އެ ތުހުމަތުތަކާ ގުޅިގެން އެލެކްސް ބުނެފައިވަނީ އޭނާގެ މައްޗަށް އުފުލާފައިވާ ދައުވާތަކާއި ތުހުމަތުތަކަށް އިންކާރު ކުރާ ކަމަށާއި، ކޯޓުން އިންސާފުވެރިކަމާއެކު ޝަރީއަތް ކުރިއަށްގެންދާނެ ކަމަށް އުންމީދުކުރާ ކަމަށެވެ.
ތަހުޤީޤު ނިމެންދެން ވަކި ޝަރުތުތަކެއް ކޮށްފައި އެލެކްސް ދޫކޮށްލާފައިވާއިރު، އެލެކްސްގެ މައްޗަށް ދައުވާ އުފުލަން ފޮނުވާފައިވާނެ ކަމަށް ސްކޮޓިޝް ފުލުހުން އެޤައުމުގެ މީޑިއާތަކަށް ކަށަވަރު ކޮށްދީފައިވެއެެވެ.
އުމުރުން 64 އަހަރުގެ އެލެކްސް ސަލްމޮންޑް ވަނީ ސްކޮޓިޝް ނެޝަނަލް ޕާޓީގެ ލީޑަރުގެ ގޮތުގައިވެސް 2 ދައުރު ފުރުއްވާފައެވެ. އޭގެ އިތުރުން 2007 އިން ފެށިގެން 2014 ވަނަ އަހަރާހަމައަށް ސްކޮޓްލޭންޑުގެ މިނިސްޓަރުކަންވެސް ކުރައްވާފައިވެއެވެ.
