ރަޝީޔާގެ ރައީސް ޕުޓިންގެ ސިޔާސަތު ތަކާ ދެކޮޅު ރަޝިއާގެ ކުރީގެ ޕާލިމެންޓް މެމްބަރެއް ކަމުގައިވާ ޑެނިސް ވޮރޮނެންކޮވް ގެ ގަޔަށް ބަޑިޖަހާ މަރާލައިފިއެވެ.
ވޮރޮނެންކޮވްގެ ގަޔަށް ބަޑިޖެހީ ޔޫކްރެންގެ ވެރިރަށް ކިއެވްގެ ހޮޓަލެއްގެ ދޮރުމަތިން ކާކުކަން ނޭގޭ މީހަކު ކަމަށް ފުލުހުންނާ ހަވާލާދީ ރިޕޯޓުތަކުގައި ވެއެވެ.
ބުރާސްފަތި ދުވަހު މެންދުރު ހިނގި މިހާދިސާގައި ވޮރޮނެންކޮވްގެ ބޮޑީގާޑަށްވެސް އަނިޔާވި ކަމަށް ޚަބަރުތައް ބުނެއެވެ.
ވޮރޮނެންކޮވް އާއި އޭނާގެ އަންހެނުން ޔޫކްރޭންއަށް ދިރިއުޅުން ބަދަލު ކުރީ ހުސްވި އަހަރު އެވެ.
ރަޝިއާގެ ސިޓިޒަންޝިޕް ދޫކޮށްލުމަށްފަހު ޔޫކްރޭންއަށް ބަދަލުވީ ރަޝިއާގެ ސެކިއުރިޓީ އޭޖެންސީ ތަކުން އޭނާއަށް ފާރަލަމުން ގެންދިއުމާއެކު އޭނާގެ ފުރާނައަށް ނުރައްކާ އޮތް ކަމަށް ބުނެއެވެ.
މި އަމަލު ކުއްވެރި ކުރައްވާ ޔޫކްރެއިންގެ ރައީސް ވިދާޅުވީ މިއީ ރަޝިއާ ސަރުކާރުން ސްޕޮންސަރ ކޮށްގެން ހިންގި އަމަލެއް ކަމަށެވެ.
