ހޯމަ 27 މެއި 2019
08 ރޯނު
1440 ރަމަޟާން 22
ފަތިސް 04:34
އިރުއަރާ 05:51
މެންދުރު 12:07
އަސްރު 15:29
މަޣްރިބް 18:15
އިޝާ 19:32
ދުނިޔެ - ނަސްލީ ތަފާތުކުރުން

ކަޅު ނަސްލު ކުއްޖެއް މަރާލި ފުލުހަކު ޖަލަށްލާން ހުކުމް ކޮށްފި

  • އެހާދިސާ ހިނގީ 2014 ވަނަ އަހަރު
  • ލެކުއަން ގަޔަށް 16 ފަހަރު ބަޑިޖަހާފައިވޭ

ލައިޝާ އަހްމަދު
LailaAhmeds

ކ. މާލެ 20 ޖެނުއަރީ 2019 | އާދީއްތަ 13:04 1,927

ޖޭސަން ވެން ޑައިކް ނަމަކަށް ކިޔާ ފުލުސް އޮފިސަރު - ސަން

ކަޅު ނަސްލަށް ނިސްބަތްވާ ކުއްޖަކު މަރާލިކަމުގެ ކުށް ސާބިތުވެ އެމެރިކާގެ ޝިކާގޯގެ ކުރީގެ ފުލުހަކު ޖަލަށްލާން އެ ސްޓޭޓްގެ ކޯޓަކުން ހުކުމްކޮށްފިއެވެ. 

ހުކުރު ދުވަހު ޖޭސަން ވެން ޑައިކް ނަމަކަށް ކިޔާ މި ފުލުސް އޮފިސަރު 81 މަހަށް (6 އަހަރާއި 9 މަސް) ޖަލަށްލާން ހުކުމް ކޮށްފައިވާއިރު، އޭނާ ކަޅު ނަސްލަށް ނިސްބަތްވާ 17 އަހަރުގެ ލެކުއަން މަރާލާފައިވަނީ 2014 ވަނަ އަހަރުއެވެ. ނަމަވެސް މިދިޔަ އަހަރު އޮކްޓޯބަރު އޭނާގެ މައްޗަށް ލެކުއަން މަރާލި ކަމުގެ ކުށް ސާބިތުވެފައިވެއެވެ. 

ކުށުގެ ރިކޯޑު އޮންނަ ޖޭސަންގެ މައްޗަށް ހުކުމް ކޮށްފައިވާއިރު، އެހާދިސާގެ ތަހުޤީޤަށް ގެންގުޅުނު ވީޑިއޯ ފުޓޭޖުން ލެކުއަން ވަޅިއެއް ހިފައިގެން ހުންނަތަން ފެންނަ ކަމަށާއި ނަމަވެސް ފުލުސް އޮފިސަރަށް އެއްވެސް ގެއްލުމެއް ދޭން މަސައްކަތް ކުރިތަން ނުފެންނަ ކަމަށް ނޫސްތަކުން ބުނެއެވެ. ނަމަވެސް ފުލުސް އޮފިސަރު ލެކުއަން ގަޔަށް 16 ފަހަރު ބަޑިޖަހާތަން ވީޑިއޯއިން ފެންނަކަމަށްވެސް ނޫސްތަކުން ބުނެފައިވެއެވެ. 

ޝިކާގޯގައި ނަސްލީ ތަފާތުކުރުން އިތުރުވެފައިވާއިރު، އެފަދަ ކުށަކަށް 81 މަހުގެ ޖަލު ހުކުމެއް ކުރުމުން އެ އަދަބަކީ މާ ކުޑަ އަދަބެއް ކަމަށް ބުނެ، ނަސްލީ ތަފާތުކުރުންތަކާ ދެކޮޅަށް ވަކާލާތުކުރާ ޖަމާއަތްތަކުގެ ނުރުހުން އެ ފަނޑިޔާރަށް ވަނީ އަމާޒުވެފައެވެ. 

އެންމެ ފަހުން އަޕްޑޭޓް ކުރީ: 7 ދުވަަސް ކުރިން | ރިވިއު ކުރީ: އިސްމާއިލް ނާއިލް ނަޝީދު

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

އެންމެ ފަހުގެ

ކޮމެންޓް