ގާނޫނާއި ގަވާއިދާ ޚިލަފަށް ކަމެއް ކުރަން އުޅޭ ނަމަ އެކަން ހުއްޓުވަން އެނގޭނެ: ނަޝީދު
19 ވަނަ ރައްޔިތުންގެ މަޖިލީސް ވެގެންދާނީ ސަރުކާރުގެ ސިޔާސަތުތައް ތަންފީޒް ކުރުމުގެ ބާރަކަށް
ކުރީގެ ރައީސް މުހައްމަދު ނަޝީދު
ގާނޫނުތަކާއި ގަވާއިދުތަކާ ޚިލަފަށް ކަންކަން ކުރުމަށް މަސައްކަތް ކުރާ މެންބަރުންގެ އެ އަމަލްތައް ހުއްޓުވާނެ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ހުކުރު ދުވަހު އޮންނަ އެމްޑީޕީގެ ޕްރައިމަރީގައި ލ. ގަމު ދާއިރާއަށް ވާދަކުރައްވާ މުހައްމަދު ވިސާމްގެ ކެމްޕެއިން ލޯންޗް ކުރުމަށް މާބްލް ހޮޓެލުގައި ބޭއްވި ހަފްލާގައި ވާހަކަ ދައްކަވަމުން ނަޝީދު ވިދާޅުވީ 19 ވަނަ ރައްޔިތުންގެ މަޖިލީސް ވެގެނދާނީ ސަރުކާރުގެ ސިޔާސަތުތައް ތަންފީޒުކުރުމުގެ ބާރަކަށް ކަމަށާއި އެތަނަކީ ފައިސާގެ ބޭނުމުގައި ވަންނަ ތަކަނަކަށް ނުހެއްދެވުމަށް އެދޭ ކަމަށެވެ.
މަޖިލީހަށް ހޮވުމާ އެކު އަމިއްލަ ވިޔަފާރިތަކާއި ގެސްޓްހައުސްގެ ވިޔަފާރި އާއި ރިސޯޓްތައް ހިންގަން އުޅެން ނުޖެހޭ ކަމަށާއި އަނބިދަރިން އެންމެ އަގުބޮޑު ފެންވަރު ރަނަގަޅު ގައުމުތަކަށް ކިޔަވަން ފޮނުވަން ވެސް ނުޖެހޭ ކަމަށް ނަޝީދު ވިދާޅުވިއެވެ.
އެ މެންބަރުން އެ މަޖިލީހަށް ރައްޔިތުން ހޮވަނީ ފޮނި އުއްމީދަކާ އެކު، އެ ރައްޔިތުންގެ މަސައްކަތް ކުރުވުމަށް ކަމަށާއި އެހެން ކަމުން އެތަނުގައި ކުރާނީ އެ މީހުންނަށް އެންމެ ފައިދާ ހުރި މަސައްކަތްތައް ކަމަށް ނަޝީދު ވިދާޅުވިއެވެ
19 ވަނަ ރައްޔިތުންގެ މަޖިލީހަކީ ގަދަރުވެރި ރައްޔިތުންގެ އިހްތިރަމާއި ލޯބި ލިބިގެންވާ މަޖިލީހަކަށް ހެދުމަށްޓަކައި މަސައްކަތް ކުރާނެ ކަމަށް ވެސް ކުރީގައި ވެސް މަޖިލީހުގެ މެންބަރުކަން ކުރައްވާފައިވާ ނަޝީދު ވިދާޅުވިއެވެ.
މި ފަހަރުގެ މަޖިލީހަށް ވަންނަ މެންބަރުން ވެސް ވާންޖެހޭނީ އިޚްލާސްތެރި ހެޔޮނިޔަތުގައި ރައްޔިތުންނަށް ޚިދުމަތްތަކެއް ކޮށްދިނުން ކަމަށް ނަޝީދު ވިދާޅުވިއެވެ.
