ރައީސް ޔާމީން ފުލުހަށް ހާޒިރުކޮށްފި
8 ޖެނުއަރީ 2019 | އަންގާރަ 09:53ރައީސް ޔާމީން ފުލުހަށް ހާޒިރު ކުރީ ކޮރަޕްޝަންގެ މައްސަލާގައި ސުވާލުކުރުމަށް
ކުރީގެ ރައީސް ޔާމީން
ކުރީގެ ރައީސް އަބްދުﷲ ޔާމީން ޕޮލިހަށް ހާޒިރުކޮށްފި އެވެ.
ޔާމީން ފުލުހުންގެ މައި އިދާރަށް ހާޒިރުވެވަޑައިގަތީ 2:15 ހާއިރުއެވެ. އާދީއްތަ ދުވަހު އެ މަނިކުފާނު ޕޮލިހަށް ހާޒިރުކުރި އެވެ.
އާދީއްތަ ދުވަހު ޕޮލިހުން ނުކުމެވަޑައިގެން ނޫސްވެރިންނާ ވާހަކަ ދައްކަވަމުން ޔާމީން ވިދާޅުވީ ބަޔާންތަކުގައި ސޮއިކުރަން އަދި ވަޑައިގަންނަވަންޖެހޭނެ ކަމަށެވެ.
ނަމަވެސް އެ މަނިކުފާނު މިއަދު ޕޮލިހަށް ހާޒިރުކުރީ ބަޔާންތަކުގައި ސޮއިކުރަން ކަމެއް، ނުވަތަ ތަހްގީގަށް ކަމެއް ޕޮލިހުން ނުބުނެ އެވެ. އެ މަނިކުފާނު މި ވަގުތު ހުންނެވީ ޕޮލިހުގަ އެވެ.
މިމަހުގެ 6 ވަނަ ދުވަހު 1:30ގައި ވެސް ފުލުހުންގެ އޮފީހަށް ހާޒިރުކޮށްފައިވާއިރު، 15 ޑިސެމްބަރު 2018 ގައި ވެސް އެ މައްސަލައިގެ ތަޙުޤީޤަށް އެމަނިކުފާނު ފުލުހަށް ހާޒިރުކޮށް ދޮޅުގަޑިއިރެއްހާއިރު ވަންދެން ތަހުޤީޤު ކުރިއަށް ގެންގޮސްފައި ވެއެވެ.
